وتباسى كۇنى مەرەكەسى قارساڭىندا قازاقستان رەسپۋبليكاسى پرەمەر-مينيسترىنىڭ ورىنباسارى بەردىبەك ساپاربايەۆتىڭ قاتىسۋىمەن جىل سايىنعى "مەرەيلى وتباسى" ۇلتتىق كونكۋرسىنىڭ جەڭىمپازدارىن ماراپاتتاۋ ءراسىمى ءوتتى، دەپ حابارلايدى Qamshy.kz اقپارات اگەنتتىگى. 

شاراعا سونداي-اق ق ر پرەزيدەنتىنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ ءتورايىمى گۇلشارا ءابدىقالىقوۆا، ق ر پارلامەنتىنىڭ دەپۋتاتتارى، مەملەكەتتىك ورگانداردىڭ، ۇەۇ جانە ب ا ق وكىلدەرى قاتىستى.

"مەرەيلى وتباسى" ۇلتتىق كونكۋرسى ەلباسىنىڭ باستاماسىمەن 2013 جىلى بەكىتىلگەن. كونكۋرستى وتكىزۋدىڭ ماقساتى – وتباسى ينستيتۋتىن نىعايتۋ، وتباسىلىق جانە رۋحاني-ادامگەرشىلىك قۇندىلىقتاردى ناسيحاتتاۋ، ەرلى-زايىپتىلاردىڭ، اتا-انالاردىڭ بالالار تاربيەسىندەگى جاۋاپكەرشىلىگىن ارتتىرۋ، قارت اتا-انالارعا قامقورلىق جاساۋ.

ءىس-شارانى اشقان ب.ساپاربايەۆ ماراپاتتاۋ راسىمىنە قاتىسۋشىلارعا ارنالعان قازاقستان رەسپۋبليكاسىنىڭ پرەزيدەنتى ق.ك.توقايەۆتىڭ قۇتتىقتاۋ ءسوزىن وقىپ بەردى. "بۇل مەملەكەتتىك ءىس-شارا – قازاقستاننىڭ الەۋمەتتىك ساياساتىنىڭ ماڭىزدى بولىگى. ەلىمىزدە جىل سايىن حالىقتىڭ ءومىر ءسۇرۋ جاعدايى مەن تۇرمىس ساپاسىن جاقسارتۋعا باعىتتالعان ماڭىزدى شەشىمدەر قابىلدانۋدا. وسىعان بايلانىستى ەلىمىزدىڭ مەرەكەلەر كۇنتىزبەسىنە "وتباسى كۇنى" مەيرامى ەنگىزىلدى. سونداي-اق ىرىس-بەرەكەسى مەن ىنتىماعى جاراسقان ماۋەلى اۋلەتتەردى ناسيحاتتايتىن "مەرەيلى وتباسى" ۇلتتىق بايقاۋىن وتكىزۋ داستۇرگە اينالدى. "مەرەيلى وتباسى" ءداستۇرلى ۇلتتىق كونكۋرسىنىڭ جەڭىمپازدارى وتانسۇيگىشتىك، ەڭبەكقورلىق، مەيىرىمدىلىك سياقتى ۇلگى تۇتارلىق ومىرلىك ۇستانىمداردى جان-جاقتى مەڭگەرگەنىن كورسەتتى"، دەلىنگەن قۇتتىقتاۋدا.

سالتاناتتى ءىس-شارادا پرەمەر-مينيستردىڭ ورىنباسارى ب.ساپاربايەۆ جانە ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ ءتورايىمى گ.ءابدىقالىقوۆا 17 فيناليست-وتباسىعا ديپلومدار جانە تۇرمىستىق تەحنيكا ساتىپ الۋعا قازاقستان رەسپۋبليكاسىنىڭ ءبىرىنشى پرەزيدەنتى – ەلباسى قورىنىڭ اتىنان سەرتيفيكاتتار تابىس ەتتى.

التى جىلدا كونكۋرسقا 15 197 وتباسى قاتىستى. قاتىسۋشىلاردىڭ جالپى سانىنىڭ 62% – اۋىلدىق جەرلەردەن وتباسىلار، 36% – كوپبالالى وتباسىلار، 18% – جاس وتباسىلار، 17% – ەڭبەك اۋلەتتەرىنىڭ وكىلدەرى. قاتىسۋشىلاردىڭ سانى جىلسايىن وسۋدە. 2014 ج. كونكۋرسقا 1 298 وتباسى قاتىسسا، بيىلعى جىلى ولاردىڭ سانى 2،5 ەسە كوپ.

جەڭىمپاز وتباسى 30 تامىزدان 6 قىركۇيەككە دەيىن وتكىزىلگەن sms/ينتەرنەت ارقىلى داۋىس بەرۋ قورىتىندىسى بويىنشا انىقتالدى. 2019 جىلعى "مەرەيلى وتباسى" ۇلتتىق كونكۋرسىنىڭ لاۋرەاتى بولىپ اتىراۋ وبلىسىنان تىلەكقابىلوۆتار وتباسى اتاندى.

پرەمەر-مينيستردىڭ ورىنباسارى جەڭىمپاز وتباسىعا ەستەلىك مۇسىنشە مەن شاعىن اۆتوبۋستىڭ كىلتىن تاپسىردى. ماراپاتتاۋ ءراسىمى قازاقستاندىق تانىمال ەسترادا ارتىستەرىنىڭ  قاتىسۋىمەن وتكەن مەرەكەلىك كونسەرتپەن اياقتالدى.