جۇرت العان نەسيەسىن جابا الماي جاتىر. سوڭعى ءبىر اپتادا رەداكسيا تەلەفونىندا تىنىم جوق. ءبىز تىزىمگە ىلىنبەي قالعان وتباسىلار مەن جالعىزباستى انالاردىڭ جانايقايىن ءتيىستى مينيسترلىكتەرگە جەتكىزۋگە تىرىسىپ جاتىرمىز. ەندى قالعان ماسەلەنى سولار شەشەتىن شىعار. بۇگىن دە ءبىرقاتار ادامدار ەڭبەك جانە حالىقتى الەۋمەتتىك قورعاۋ مينيسترلىگىنىڭ عيماراتىنا كىردى. جاعدايىن، جانايقايىن ايتىپ جاتىر. ويتكەنى نەسيەنى جابۋعا شامالارى كەلمەيدى. ءبارى دە قارىزدى بانكتەن العان. ال بانكتەگىلەر نە ىستەپ وتىر دەڭىز. الەۋمەتتىك جەلىدە قازاقستاننىڭ ءبىرقاتار بانكتەرىنىڭ باسقارما مۇشەلەرىنىڭ 2018 جىلى قانشا بونۋس العانى جونىندە اقپارات تاراپ جاتىر. ەندى سۇمدىق. ونداي بونۋس العاندار بايىماعاندا قايتەدى؟!
...ال سول بانكتەن كرەديت العان ادامدار مينيسترلىكتىڭ ماڭايىندا ءجۇر. ويتكەنى نەسيەسى ءالى كەشىرىلمەگەن. ولار ەڭبەك جانە حالىقتى الەۋمەتتىك قورعاۋ مينيسترىلىگى جاساعان تىزىمگە ەنبەي قالعان. ال ولاردىڭ جانايقايىن كىم ەستيدى؟!
...بونۋس العاندار بايىپ، نەسيە العاندار تاقىرلانىپ بارادى. ادىلەتتىلىك قايدا؟!
پىكىر قالدىرۋ