وتكەن جىلدىڭ قاراشا ايىندا ازوۆ تەڭىزىندە تۇتقىندالعان ۋكراينانىڭ 24 تەڭىزشىسى تۇتقىننان بوساتىلدى. ولاردىڭ ءارقايسىسىن ەل پرەزيدەنتى ۆلاديمير زەلەنسكييدىڭ ءوزى حالىقتىڭ الدىندا جەكە-جەكە قارسى الدى.
اسكەري تەڭىزشىلەردى ۇشاق تراپىنان قارسى العان پرەزيدەنت ۆلاديمير زەلەنسكيي ولاردىڭ ءارقايسىسىنا العىس ايتتى. وتانىنا ورالعان اسكەريلەر كەيبىرەۋلەرى كوزىنە جاس الىپ، پرەزيدەنتتى قۇشاقتاپ، باۋىرىنا قىستى. ونان سوڭ تەڭىزشىلەر تۋعان-تۋىستارىمەن قاۋىشتى.
ەسكەرتە كەتەيىك، وسىدان بىرەر كۇن بۇرىن رەسەي مەن ۋكراينا اراسىندا اسكەري تۇتقىنداردى الماسۋ پروسەسى وتكەنى بەلگىلى.
پىكىر قالدىرۋ