نەسيەسى وتەلمەگەندەرگە ەڭبەك جانە حالىقتى الەۋمەتتىك قورعاۋ ءمينيسترى جاۋاپ بەردى، – دەپ جازادى Qamshy.kz اقپارات اگەنتتىگى. استانالىق بىرنەشە كوپ بالالى انالار كرەديتتىڭ 300 تەڭگەسىن كەشىرۋ ماسەلەسى بويىنشا ارىزداندى. ەڭبەك جانە حالىقتى الەۋمەتتىك قورعاۋ مينيسترلىگى وسى ماسەلەگە قاتىستى تۇسىنىكتەمە بەردى. ۆيسە-مينيستردىڭ ايتۋىنشا، ازاماتتار قۇجاتتاردى جيناستىرىپ، ءتيىستى مەكەمەلەرگە ۇسىنسا جىل سوڭىنا دەيىن تىزىمگە ەنەدى ەكەن.
"حالىقتىڭ بەس ساناتى ءۇشىن قامتاماسىز ەتىلمەگەن قارىزدار بويىنشا قارىزداردى ەسەپتەن شىعارۋ جونىندەگى ءىس-شارانىڭ ناقتى اياقتالۋ كۇنى جوق. سوندىقتان، ەگەر ادام ءوزىنىڭ مارتەبەسىن راستايتىن قۇجاتتاردى ۇسىنسا، جىل سوڭىنا دەيىن ول تىزىمگە ەنەدى، ال مەملەكەت قارىزىن وتەۋ ءۇشىن 300 مىڭ تەڭگەگە دەيىن قاراجات بولەدى"، - دەيدى سۆەتلانا جاقىپوۆا.
"بىرىنشىدەن، كرەديت كوللەكتورلىق كومپانياعا ءوتىپ كەتسە، ول كىسىلەردىڭ بورىشى وتەلمەيدى. سوسىن بىزگە كەلىپ جاتقان انالاردىڭ ىشىندە كرەديتتى 1 ماۋسىمنان كەيىن العاندار دا بار. ال جارلىق شىققاننان كەيىن الىنعان كرەديتتەر وتەۋگە جاتپايدى. سونداي-اق كوپ ازاماتتاردىڭ نەكە قيۋ تۋرالى كۋالىكتەر بازادا تىركەلمەگەن بولىپ شىعادى. سول سەبەپتى ءبىز ونداي ازاماتتاردى ادىلەت مينيسترلىگىنىڭ اقپاراتتىق جۇيەسىنە تىركەۋگە جىبەرەمىز. ولار احاج بولىمدەرى ارقىلى ءوز مالىمەتتەرىن تىركەيدى. ەكىنشى سەبەپ، اسىراۋشىسىنان ايىرىلعان ازاماتتاردىڭ مالىمەتتەرى بولماي شىعادى. ولاردى دا ادىلەت مينيسترلىگىنە جىبەرىپ وتىرامىز"، – دەيدى ۆيسە-مينيستر سۆەتلانا جاقىپوۆا ەلوردادا وتكەن باسپا ءسوز ماسليحاتىندا.
سونىمەن قاتار كوپبالالى وتباسىلاردىڭ بالالارى جوو-دا وقىپ جاتقانى تۋرالى مالىمەتتىڭ بولماۋى دا نەسيەنىڭ وتەلمەۋىنە سەبەپ بولۋى مۇمكىن.
پىكىر قالدىرۋ