شاكارىم اتىنداعى سەمەي مەملەكەتتىك ۋنيۆەرسيتەتىنىڭ جوبالىق كەڭسەسىندە "ۇلى دالانىڭ جەتى قىرى" اتتى ماقالا اياسىندا سونداي-اق، "رۋحاني جاڭعىرۋ" باعدارلاماسىن جۇزەگە اسىرۋ بويىنشا جەرگىلىكتى اتقارۋشى بيلىكتىڭ جۇمىسىن ۇيىمداستىرۋ تۋرالى سەمينار-پراكتيكۋم ءوتتى. سەمينارعا باعدارلامانى جەتىك ءبىلۋ جانە تاجىريبە الماسۋ ماقساتىندا جاقىن وڭىرلەردەن جۇزدەگەن مامان كەلدى.
ەڭ الدىمەن قوناقتار ءۇشىن ۋنيۆەرسيتەت قىزمەتكەرلەرى شاعىن ەكسكۋرسيا وتكىزىپ، ولاردى ونىڭ جوبالىق كەڭسەنىڭ "دەرەكتەردى ۆيزۋاليزاسيالاۋ ستۋدياسىمەن" تانىستىردى.
– مۇندا بەينە نەمەسە اۋديوماتەريالداردىڭ ادام ميىنا اسەرىن زەرتتەۋ ءۇشىن پايدالانىلاتىن ارنايى كەشەن جۇمىس ىستەيدى. ورناتىلعان داچيكتەر مەن دىبىستىق كوماندالاردىڭ كومەگىمەن وقۋشى ماتەريالدى قالاي مەڭگەرەتىنىن كورۋگە بولادى. ستۋدەنت ارنايى قۇرىلعىنى ساۋساقتارعا، جۇرەك ايماعىنا، ۇيقى ارتەرياسىنا جانە جەلكەسىنە تاعىپ، ناتيجەسى شىعارىلاتىن بولادى. بۇل ستۋدەنتتىڭ قانداي دا ءبىر اقپاراتتى قانشالىقتى جاقسى مەڭگەرگەنىن ءتۇسىنۋ ءۇشىن جاسالادى، – دەدى جوعارى دەڭگەيدەگى مامان الەكساندر كليمۋك.
سەمينار ەكى بولىمنەن تۇردى. العاشقى بولىمدە قوناقتارعا "ۇلى دالانىڭ جەتى قىرى" باعدارلامالىق ماقالاسىنىڭ نەگىزگى ەرەجەلەرى مەن مىندەتتەرى تانىستىرىلىپ، "رۋحاني جاڭعىرۋ" ايماقتىق ورتالىعىنىڭ قىزمەتى مەن ارنايى باعدارلامالاردى جۇزەگە اسىرۋ تۋرالى تولىق تۇسىنىك بەرىلدى. ال، ەكىنشى بولىمدە سەمينارعا قاتىسۋشىلار باعدارلامانى جۇزەگە اسىرۋ اياسىندا ءىس-شارالار كەستەسىن قۇراستىرۋمەن جانە جاڭا جوبالاردى ازىرلەۋمەن اينالىستى.
پىكىر قالدىرۋ