سەمەيگە "DESA" ءىرى تۇرىك كونسەرنىنىڭ وكىلدەرى كەلدى. ولار تەرىنى قايتا وڭدەۋمەن اينالىسادى. قازىرگى ۋاقىتتا ينۆەستورلار قازاقستاننىڭ ينۆەستيسيالىق قورىمەن بانك الدىنداعى بەرەشەكتى وتەۋ مۇمكىندىگى تۋرالى كەلىسسوزدەر جۇرگىزۋدە.
كەزدەسۋ بارىسىندا سەرىكتەستىك جۇرگىزۋ ءسوز بولدى.
– الەمدىك تاجىريبەدە تەرى دايىنداۋ ورتالىقتاندىرىلعان تۇردە وڭدەۋ كەشەنىندە جۇرگىزىلەدى. ياعني، بۇل كەزەڭمەن بىلعارى كومبيناتى دا اينالىسۋ كەرەك. بەلگىلى ءبىر تەحنولوگيا بويىنشا تەرىلەردى دايىندايتىن، وقىتىلعان ماماندار جۇمىس ىستەيتىن جەكە مال سويۋ الاڭدارىمەن جابدىقتالعان ارنايى دايىنداۋ ورتالىعىن ۇيىمداستىرۋ قاجەت. بۇل بولاشاق تەرى ساپاسىنىڭ كەپىلى، – دەدى "DESA" كومپانياسىنىڭ باس ديرەكتورى Burak Celet.
مامانداردىڭ ايتۋىنشا، مۇنداي دايىنداۋ ورتالىعىنىڭ جۇمىسىن رەتكە كەلتىرۋ قيىندىق تۋدىرمايدى. سەبەبى شقو-دا الدىن الا جۇمىس سەمەي تەرى كومبيناتى اكىمشىلىگىنىڭ كۇشىمەن جۇرگىزىلگەن.
پىكىر قالدىرۋ