جاقىندا قالا تۇرعىندارى جاڭا كوپىردە جۇرگىزىلىپ جاتقان جوندەۋ جۇمىستارى تۋرالى پىكىر بىلدىرە باستادى. سەمەي قالاسىنىڭ جولاۋشىلار كولىگى جانە اۆتوموبيل جولدارى ءبولىمىنىڭ باسشىسى سەرىكقالي جۇمانوۆتىڭ ايتۋىنشا، كوپىر شۇڭقىرلارىن جوندەۋ جۇمىستارى جۇرگىزىلۋدە، ال جاقىن ارادا اسفالتتىڭ جاڭا قاباتى سالىنادى.

– سەمەي قالاسىنىڭ اسپالى كوپىرى 10 جىل بويى وبلىستىڭ كولىك جانە اۆتوموبيل جولدارى باسقارماسىنىڭ قاراماعىندا بولعان. بيىل ونى سەمەي قالاسىنا تاپسىردى. كوپىردى كۇردەلى جوندەۋدەن وتكىزۋ تۋرالى شەشىم قابىلداندى. جۇمىسقا شەتەلدىك كومپانيا تارتىلدى. ولار 10 قىركۇيەكتەن جۇمىسقا كىرىسپەك. ال، ازىرگە كوپىردى تولىعىمەن تازالاۋ جۇمىستارى جۇرگىزىلۋدە، – دەدى جۇمانوۆ.

جوندەۋ جۇمىستارىن 10 قىركۇيەكتەن كەيىن اياقتاۋ جوسپارلانىپ وتىر. كەپىلدىك مەرزىمى – 1 جىل. وسى ۋاقىت ىشىندە جۇمىستىڭ قانشالىقتى ساپالى جۇرگىزىلگەنىن كورۋگە بولادى. ال كەلەسى جىلى كوپىردىڭ ورتاشا جوندەۋ جۇمىستارى جوسپارلانىپ وتىر. سەبەبى اسپالى كوپىردە 20 جىل بويى تولىق جوندەۋ جۇمىستارى جۇرگىزىلمەگەن.