مۇحتار جاكىشيەۆتى شارتتى تۇردە بوساتۋ جونىندەگى اپپەلياسيالىق سوت وتىرىسى ءوتىپ جاتىر دەپ جازادى Qamshy.kz اقپارات اگەنتتىگى. الايدا سوت وتىرىسىنا مۇحتار جاكىشيەۆتىڭ ءوزى قاتىسپادى.
سونداي-اق سوت وتىرىسى اشىق تۇردە وتكەنىمەن جۋرناليستەر مەن بەلسەندىلەر سوت زالىنا كىرگىزىلمەدى. ءقازىر سۋديا 30 مينۋتقا ءۇزىلىس جاسادى.
ءۇزىلىس ۋاقىتىندا جۋرناليستەر مەن بەلسەندىلەر سوت زالىنا كىرگىزبەگەنى ءۇشىن نارازىلىقتارىن ءبىلدىردى.
"مىنداعى قىزمەتكەرلەر سوت زالىنا وزدەرىنىڭ ادامدارىن كىرگىزگىسى كەلەدى. ءبىزدىڭ ارامىزدا دا بيلىككە ساتىلمايتىن بلوگەرلەر مەن جۋرناليستەر بار. سوت حالىقتىڭ قاتىسۋىمەن ءوتسىن. جاكىشيەۆكە بوستاندىق!"، - دەپ تالاپ قويدى بەلسەندىلەر.
