بۇگىن، 13 قىركۇيەكتە قازاقستان رەسپۋبليكاسى پرەمەر-مينيسترى اسقار ءماميننىڭ وكىمىمەن شىمكەنت قالاسىنىڭ ەكس-اكىمى عابيدوللا ءابدىراحىموۆ ونىڭ كەڭەسشىسى بولىپ تاعايىندالدى. بۇل تۋرالى قازاقستان پرەمەر-مينيسترىنىڭ باسپا ءسوز قىزمەتى حابارلادى.
1975 جىلى تۋعان ءابدىراحىموۆ قازاق مەملەكەتتىك اگرارلىق ۋنيۆەرسيتەتىن بىتىرگەن، "بولاشاق" باعدارلاماسىمەن نەمىس مەملەكەتتىك باسقارۋ جوعارى مەكتەبىندە وقىپ، مەملەكەتتىك اكىمشىلەندىرۋ ماگيسترى دارەجەسىن العان.
بۇعان دەيىن شىمكەنت قالاسىنىڭ اكىمى بولعان ءابدىراحىموۆتى قازاقستان پرەزيدەنتى قاسىم-جومارت توقايەۆ تامىز ايىندا قىزمەتىنەن الىپ تاستاعان. ونىڭ اكىم قىزمەتىنەن بوساتىلۋىن قازاقستان پرەزيدەنتى اكىمشىلىگىنىڭ باسشىسى قىرىمبەك كوشەربايەۆ "بيلىكتىڭ بەدەلىنە نۇقسان كەلتىرەدى. بۇگىندە ءابدىراحىموۆقا ارتىلعان ساياسي سەنىم تۇگەسىلدى" دەپ تۇسىندىرگەن.
پىكىر قالدىرۋ