قازاقستاننىڭ ەكس-پرەزيدەنتى نۇرسۇلتان نازاربايەۆتىڭ كەڭەسشىسى بولعان ەرمۇحامەت ەرتىسبايەۆ مۇحتار جاكىشيەۆتىڭ نە سەبەپتى تۇرمەدە وتىرعانىن ايتىپ بەردى، دەپ جازادى Qamshy.kz اقپارات اگەنتتىگى. بۇل تۋرالى ول "پوليتون" كلۋبىنىڭ ۇيىمداستىرۋىمەن وتكەن "نازاربايەۆ قازاقستان ءۇشىن كىم" تاقىرىبىنداعى  مۇحتار ابليازوۆپەن (قازاقستاندا تيىم سالىنعان "قازاقستاننىڭ دەموكراتيالىق تاڭداۋى" (قدت) قوزعالىسىنىڭ جەتەكشىسى) دەباتى بارىسىندا ايتتى. 

"مەن جاكىشيەۆتى ەشقاشان ساياسي تۇتقىن دەپ ساناعان ەمەسپىن. ويتكەنى ونىڭ ساياساتپەن اينالىسقانى ەسىمدە جوق. ول ءابليازوۆتىڭ ءۇشىن تۇرمەدە وتىر. نەگە؟ سەبەبى، ءابليازوۆ مۇحتار جاكىشيەۆتى 400 ملن. دوللارلىق كۇماندى كەلىسىمگە قول قويۋعا كەلىستىرگەن. ءقازىر سوت سول اقاشانىڭ 250 ملن. دوللورىن قايتارۋدى تالاپ ەتىپ وتىر. ءابليازوۆ سوت سۇراپ وتىرعان قاراجاتتى ءوزى تولەپ بەرسە دە بولاتىن ەدى. سەبەبى، جاكىشيەۆ - ءابليازوۆتىڭ ەڭ جاقىن دوسى.  ءابليازوۆتىڭ بتا بانك ارقىلى ءىرى كولەمدى قاراجاتتى شەتەلگە الىپ كەتكەنىن ءبارى بىلەدى. جاكىشيەۆ ءۇشىن سوت سۇراپ وتىرعان قاراجات تولەنسە، ءقازىر جاكىشيەۆ بوستاندىقتا بولار ەدى"، - دەدى ەرمۇحانبەت ەرتىسبايەۆ.