الماتى اكىمدىگىنىڭ باسپا ءسوز ورتالىعىندا سپورت باسقارماسىنىڭ باسشىسى رۇستەم بايسەيىتوۆ، «بارىس» حك-نىڭ ۆيسە-پرەزيدەنتى ارنۇر الشەروۆ كوماندانىڭ الداعى جوسپارلارى تۋرالى ايتتى.

اعىمداعى جىل «بارىس» ءۇشىن مەرەيلى جىل. 26 قاراشادا كلۋب ءوزىنىڭ قۇرىلعانىنىڭ 20 جىلدىعىن اتاپ وتەدى جانە وسىعان وراي ءبىرقاتار شارالار دايىنداۋدا. الماتىدا كحل چەمپيوناتىنىڭ ەكى ماچىن وتكىزەدى.

«بۇل قالا كۇنىن مەرەكەلەۋ اياسىندا الماتى تۇرعىندارى مەن قوناقتارى ءۇشىن جاقسى سىيلىق بولماق. «بارىس» ماچتاردى جانە قوسالقى شارالاردى ۇيىمداستىرۋدا قولداۋ مەن كومەك كورسەتكەن قالا اكىمدىگى مەن كوپفۋنكسيونالدى «AlmatyArena» مۇز كەشەنىنە العىس بىلدىرەدى»، – دەپ اتاپ ءوتتى ا. الشەروۆ.

ماچتار 17 جانە 20 قىركۇيەكتە، ساعات 19:30-دا وتەدى. سەيسەنبى كۇنى «بارىس» ماسكەۋلىك «سپارتاك» كلۋبىمەن، جۇمادا چەليابينسكىلىك «تراكتورمەن» وينايدى.