ق ر قورعانىس ءمينيسترى نۇرلان ەرمەكبايەۆ ارىستاعى اپتالىق ءىس-ساپارى بارىسىندا 24 ماۋسىم 2019 جىلى ارىس قالاسىندا اسكەري بورىشىن وتەۋدە قازا بولعان اسكەري قىزمەتشىلەردىڭ وتباسىلارىنا مەملەكەتتىك ناگرادالار تابىستادى دەپ حابارلايدى Qamshy.kz اقپارات اگەنتتىگى ق ر قورعانىس مينيسترلىگىنىڭ ءباپساسوز قىزمەتىنە سىلتەمە جاساپ.
ق ر پرەزيدەنتى - قك جوعارعى باس قولباسشىسىنىڭ 2019 جىلعى 7 تامىزداعى "مەملەكەتتىك ناگرادالارمەن ماراپاتتاۋ" تۋرالى جارلىعى بويىنشا اسكەري بورىشىن وتەۋ بارىسىندا كورسەتكەن ەرلىگى مەن قايسارلىعى ءۇشىن اعا سەرجانت باۋىرجان الىمبەكوۆ پەن سەرجانت ءابدىقۇل احمەتوۆ II دارەجەلى "ايبىن" وردەندەرىمەن ماراپاتتالدى.
اسكەري قىزمەتشىلەر ءوق-دارى قويماسىندا ءورتتى سوندىرۋگە قاتىسىپ، اسكەري بورىشتارىن ادال اتقاردى. ءابدىقۇل مەن باۋىرجان ءبىر اسكەري بولىمدە قىزمەت ەتتى، جاۋاپكەرشىلىكتەرى مول ءارى ىنتالى بولدى، تالاپ ەتىلگەن جۇمىستى ورىنداۋعا ءاردايىم اسا جاۋاپكەرشىلىكپەن قارادى.
قىزمەتتەستەرى ولاردىڭ ءارقايسىسى ءوزىنىڭ قىزمەتتىك مىندەتتەرىنە ساي كەلەتىن كاسىپقويلىعىن، سونداي-اق ۇجىممەن قارىم-قاتىناس ورناتۋداعى اشىقتىعىن جانە قاراپايىمدىلىعىن ەستەرىنە الدى.
قازا بولعان اسكەري قىزمەتشىلەرگە ءبىر مينۋت ۇنسىزدىكپەن قۇرمەت كورسەتتى. ارىس اسكەري ءبولىمىنىڭ جەكە قۇرامى اسكەري جولداستارىن ەسكە الۋ ءۇشىن سالتاناتتى مارش ءجۇرىپ ءوتتى.
پىكىر قالدىرۋ