الماتىداعى "سەزار" كينوتەاترى جۋرناليست جانبولات مامايدىڭ 25 قىركۇيەككە جوسپارلانعان "ستالين قىلمىستارى: ۇلت زيالىلارىن قالاي قىردى" اتتى دەرەكتى ءفيلمىن كورسەتۋدەن باس تارتقان. بۇل تۋرالى فيلم اۆتورى مامايدىڭ ءوزى Facebook پاراقشاسىندا مالىمدەدى.
بۇعان دەيىن ماماي "حح عاسىردىڭ 20-30 جىلدارى قازىرگى قازاقستاندا جەرىندە بولعان جاپپاي قۋعىن-سۇرگىن جىلدارى تۋرالى" دەرەكتى فيلم تۇسىرگەنىن جانە اتالعان فيلم 25 قىركۇيەكتە الماتىداعى "سەزار" كينوتەاتىرىندا كورسەتىلەتىن ايتقان.
مامايدىڭ Qamshy.kz اقپارات اگەنتتىگىنىڭ تىلشىسىنە ايتۋىنشا، "سەزار" كينوتەاترىنىڭ دەرەكتى ءفيلمدى كورسەتۋدەن باس تارتۋىنا بيلىكتىڭ تىكەلەي قاتىسى بار".
"ءبىز وتكەن اپتادا بەلگىلى كينوسىنشى ولەگ بورەسكييمەن كەلىسكەنبىز. ول "سەزار" كينوتەاترىنىڭ ديرەكتورىمەن كەلىستىم، بارلىعىن رەتتەدىم، سىزدەردىڭ فيلمدەرىڭىزدى كينوتەاتردىڭ تىزىمىنە قوستىق. 25 قىركۇيەكتە كورسەتسەڭىزدەر بولادى" - دەپ ايتقان بولاتىن. ءبىراق بۇگىن سول كينوتەاتردىڭ ديرەكتورى ماعان حابارلاسىپ، 25 قىركۇيەكتە كورسەتىلىم بولمايتىن جانە وعان ونداي ءفيلمنىڭ قاجەتى جوقتىعىن ايتتى. ال بورەسكييمەن حابارلاسقانىمدا، "ءيا، بۇل تۋرالى بىلەمىن، بۇل - كينوتەاتر ديرەكتورىنىڭ شەشىمى" دەپ جاۋاپ بەردى. مەنىڭ ويىمشا، باسقا تەاترلار دا بۇل ءفيلمدى كورسەتپەيدى. سەبەبى، بۇل - تىكەلەي بيلىكتىڭ تاپسىرماسىمەن جاسالىپ وتىرعان نارسە. سوندىقتان كينوتەاتر ىزدەپ ۋاقىت جوعالتپاي، ءفيلمدى ينتەرنەتكە جۇكتەيتىن شىعارمىز. ءبىراق ءالى دە ويلانىپ كورەمىز"، - دەدى فيلم اۆتورى.
جۋرناليست جانبولات ماماي 2017 قۋعىنداعى وپپوزيسيالىق ساياساتكەر مۇحتار ءابليازوۆ "جىمقىرعان" قاراجاتتىڭ ءبىر بولىگىنىڭ "ءىزىن جاسىردى" دەگەن ايىپپەن سوتتالىپ، وعان ءۇش جىل جۋرناليستىك قىزمەتپەن جانە ساياساتپەن اينالىسۋعا تىيىم سالىنعان. ماماي بۇعان دەيىن حح عاسىردا بولعان اشارشىلىق جىلدارى تۋرالى "زۇلمات"، قازاقتىڭ زيالىلارى قۇرعان "الاش" پارتياسى تۋرالى "ەگەر الاش رەسپۋبليكاسى جەڭگەندە" اتتى دەرەكتى فيلمدەر تۇسىرگەن.
پىكىر قالدىرۋ