اقتاۋدا Toyota Land Cruiser اۆتوكولىگى "ماڭعىستاۋمۇنايگاز" اق عيماراتىنىڭ الدىندا پايدا بولعان شۇڭعىرعا ءتۇسىپ كەتتى، دەپ جازادى lada.kz سايتى.
جۇرگىزۋشىنىڭ جولاۋشىنى تاستاپ، اينالماق بولعاندا شۇڭقىرعا ءتۇسىپ كەتكەنى بەينەكامەراعا ءتۇسىپ قالعان.
ماڭعىستاۋ وبلىستىق پوليسيا دەپارتامەنتى كولىك جۇرگىزۋشىسى "ماڭعىستاۋمۇنايگاز" اكسيونەرلىك قوعامىنىڭ قىزمەتكەرى ەكەنىن حابارلادى.
– برۋسچاتكا استىندا ليۋك بولعان. ونداعى توپىراق وتىرىپ، شۇڭقىر پايدا بولعان. جۇرگىزۋشى ونى بايقاماي، بۇرىلعاندا كولىك دوڭگەلەگى شۇڭقىرعا ءتۇسىپ كەتكەن. اۋىر سالماقتان شۇڭقىر ۇلعايىپ كەتكەن. ماسەلەگە قاتىستى جۇرگىزۋشى پوليسياعا ارىزبەن جۇگىنگەن جوق، – دەپ اتاپ ءوتتى ۆەدومستۆونىڭ باسپا ءسوز قىزمەتى.
پىكىر قالدىرۋ