قالا اكىمىنىڭ وكىمىمەن باقىتجان ناۋرىزبەكوۆ الماتىنىڭ قالا قۇرىلىسىن باقىلاۋ باسقارماسىنىڭ باسشىسى بولىپ تاعايىندالدى، دەپ حابارلايدى Qamshy.kz اقپارات اگەنتتىگى.
ب. ناۋرىزبەكوۆ 1983 جىلى 2 تامىزدا تۋعان. 2005 جىلى الماتى تەحنولوگيالىق ۋنيۆەرسيتەتىن، 2008 جىلى م. تىنىشبايەۆ اتىنداعى قازاق كولىك جانە كوممۋنيكاسيا اكادەمياسىن، 2014 جىلى تۇران ۋنيۆەرسيتەتىن ءتامامداعان.
ەڭبەك جولىن 2005 جىلى الماتى قالاسى كاسىپكەرلىك جانە ونەركاسىپ دەپارتامەنتىندە قىزمەت كورسەتۋدى دامىتۋ ءبولىمىنىڭ مامانى رەتىندە باستاعان.
2005-2016 جىلدارى كاسىپكەرلىك جانە ونەركاسىپ دەپارتامەنتى ساۋدانى دامىتۋ ءبولىمىنىڭ باستىعى، بوستاندىق اۋدانى اكىمى اپپاراتىنىڭ كاسىپكەرلىك پەن ونەركاسىپتى دامىتۋ ءبولىمىنىڭ باسشىسى، مەدەۋ اۋدانى اكىمى اپپاراتىنىڭ كاسىپكەرلىك پەن ونەركاسىپتى دامىتۋ ءبولىمىنىڭ باسشىسى، الماتى قالاسى كاسىپكەرلىك پەن يندۋستريالدى-يننوۆاسيالىق دامۋ باسقارماسىنىڭ باسشىسى قىزمەتتەرىن اتقارعان.
2016-2018 جىلدارى مەدەۋ اۋدانى اكىمىنىڭ ورىنباسارى بولدى.
2018 جىلدان باستاپ جاڭا تاعايىنداۋعا دەيىن الماتى قالاسى كاسىپكەرلىك جانە ينۆەستيسيالار باسقارماسىنىڭ باسشىسى.
پىكىر قالدىرۋ