پاۆلودار قالاسىندا شىعىس قازاقستان وبلىسىنىڭ اكىمى دانيال احمەتوۆتىڭ قارىنداسىن بەلگىسىز ادامدار ۇرلاپ كەتپەك بولعاندەپ جازادى Qamshy.kz اقپارات اگەنتتىگى time.kz سايتىنىڭ دەرەگىن نەگىزگە الىپ.
باسىلىمنىڭ مالىمەتىنە سۇيەنسەك، گۇلفاز اۋۆانوۆانى قالانىڭ ورتالىعىندا ورنالاسقان جەكەجايدىڭ قاسىندا اق كولىككە سالىپ ۇرلاپ كەتپەك بولعان. دەگەنمەن گۇلفاز اۋۆانوۆا قاشىپ ۇلگەرگەن. پوليسيا دەپورتامەنتىنىڭ باسپا ءسوز حاتشىسى بولعان وقيعانى راستادى.
پوليسيادا حابارلاعانداي، كەلىنشەككە شابۋىل 18 قىركۇيەك كۇنى جاسالعان. ءقازىر "ۇرلاۋ" بابى بويىنشا سوت الدى تەرگەۋ جۇمىسى باستالدى. پوليسيا ارام پيعىلدى ازاماتتاردى ىزدەستىرۋدە.
بۇل ىسكە قاتىستى كريمينالدىق پوليسيا ءۇش نۇسقانى قاراستىرۋدا. ءبىرىنشىسى قۇن تالاپ ەتۋ، كەلەسى تۇرمىستىق جانجال جانە قارجى-شارۋاشىلىق قىزمەت.
قارىنداسىنىڭ جاعدايىنا الاڭداعان دانيال احمەتوۆ بىردەن پوۆلادار قالاسىنا ۇشىپ كەلگەن. كەيىن گۇلفاز اۋۆانوۆانىڭ جاعدايى جاقسى ەكەنىنە كوز جەتكىزگەننەن سوڭ وسكەمەنگە ورالعان.
پىكىر قالدىرۋ