ق ر پرەمەر-مينيسترى اسقار ءماميننىڭ توراعالىعىمەن وتكەن ۇكىمەت وتىرىسىندا يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ وڭىرلەردىڭ جىلىتۋ ماۋسىمىنا دايىندىعى تۋرالى باياندادى، - دەپ حابارلايدى Qamshy.kz اقپارات اگەنتتىگى ۇكىمەت باسپا ءسوز قىزمەتىنە سىلتەمە جاساپ. 

"جەرگىلىكتى اتقارۋشى ورگاندار 10 623 دەربەس قازاندىقتى جوندەۋدى جوسپارلاعان، ونىڭ ىشىندە 10 606 قازاندىق نەمەسە 99،8 پايىز دايىندالدى. جوندەۋ جۇمىستارى ماڭعىستاۋ وبلىسىندا - 94،2 پايىز، قىزىلوردا وبلىسىندا - 99،2 پايىز، شىمكەنت قالاسىندا - 99،3 پايىز جالعاسۋدا. قالعان وڭىرلەردە دەربەس قازاندىقتاردىڭ تولىق دايىندىعى قامتاماسىز ەتىلگەن. جىلۋ جەلىلەرىن دايىنداۋعا قاتىستى، جوسپارلانعان 4 990 كم جىلۋ جەلىلەرىنەن اعىمداعى كەزەڭدە 4 943 كم جىلۋ جەلىلەرى نەمەسە 99،1 پايىز جوندەلدى. جىلۋ جەلىلەرىن جوندەۋ بويىنشا تومەنگى دايىندىق نۇر-سۇلتان قالاسىندا - 73،6پايىز، ماڭعىستاۋ وبلىسىندا - 91،7 پايىز، اتىراۋ وبلىسىندا - 96،8 پايىز"، - دەدى بەيبىت اتامقۇلوۆ. 

سۋمەن جابدىقتاۋ جەلىلەرىن دايىنداۋعا قاتىستى، 15 116 كم سۋمەن جابدىقتاۋ جەلىلەرىن جوندەۋ جوسپارلانعان، ءىس جۇزىندە 14 917 كم نەمەسە 98،7 پايىز جوندەلدى. سۋمەن جابدىقتاۋ جەلىلەرىن جوندەۋ بويىنشا  نۇر-سۇلتان قالاسىندا - 71،6 پايىز، اقتوبە وبلىسىندا - 83،8 پايىز، تۇركىستان وبلىسىندا - 89،9 پايىز، شىمكەنت قالاسىندا - 90،5 پايىز ازىرلىك تومەن. 

ءبىلىم بەرۋ نىساندارىن دايىنداۋ بويىنشا اعىمداعى كەزەڭگە 10 967 ءبىلىم بەرۋ وبەكتىسى دايىندالدى نەمەسە جوسپارداعىدان 99،6 پايىز ورىندالدى. بارلىق ءبىلىم بەرۋ وبەكتىلەرىن 1 قىركۇيەككە دەيىن دايىنداۋ جوسپارلانعان بولاتىن. الايدا، دايىن ەمەس وبەكتىلەر ءۇش وڭىردە قالدى: نۇر-سۇلتان قالاسىندا دايىندىق - 97،7 پايىز، باتىس قازاقستان وبلىسىندا - 99،5 پايىز، اتىراۋ وبلىسىندا - 99،5 پايىز. 

دەنساۋلىق ساقتاۋ وبەكتىلەرىن دايىنداۋعا قاتىستى، 5 936 وبەكتىنى دايىنداۋ جوسپارلانعان، سونىڭ ىشىندە 5 921 وبەكتى نەمەسە 99،7 پايىز دايىندالدى. قالعان وڭىرلەرگە قاراعاندا دايىندىعى تومەن اتىراۋ وبلىسىندا - 95،2 پايىز، اقتوبە وبلىسىندا - 98،9 پايىز، باتىس قازاقستان وبلىسىندا - 99 پايىز بايقالادى. 46 809 تۇرعىن ءۇي جوندەۋگە جوسپارلانعان، ءىس جۇزىندە 45 908 تۇرعىن ءۇي نەمەسە 98،1 پايىز دايىندالدى. تۇرعىن ۇيلەردى جىلىتۋ ماۋسىمىنا دايىنداۋ بويىنشا باتىس قازاقستان وبلىسىندا (84،5 پايىز)، تۇركىستان وبلىسىندا (94،9 پايىز)، شىمكەنت قالاسىندا (90،7 پايىز) جۇمىس قارقىنى تومەن.

2017 جىلدان باستاپ يندۋستريا جانە ينفراقۇرىلىمدىق دامۋ مينيسترلىگى كوپ پاتەرلى تۇرعىن ۇيلەردە، ءبىلىم بەرۋ، الەۋمەتتىك سالا وبەكتىلەرىندە بەلگىلەنگەن قۇرىلىس نورمالارى جانە ەرەجەلەرىن (قنجە) بۇزا وتىرىپ ورنالاستىرىلعان دەربەس قازاندىقتاردى شىعارۋعا مونيتورينگ جۇرگىزەدى. جالپى قۇرىلىس نورمالارى جانە ەرەجەلەرى بۇزۋشىلىقپەن ورناتىلعان 769 دەربەس قازاندىق انىقتالدى، ونىڭ ىشىندە 39-ى - كوپپاتەرلى تۇرعىن ۇيلەردە، 730-ى - ءبىلىم بەرۋ، الەۋمەتتىك مادەني تۇرمىس وبەكتىلەرىندە. ولاردى شىعارۋ جەرگىلىكتى بيۋدجەت نەمەسە باسقا دا قارجىلاندىرۋ كوزدەرى ەسەبىنەن جۇزەگە اسىرىلادى.

2019 جىلعى 19 قىركۇيەكتەگى جاعداي بويىنشا 419 بىرلىك دجج نەمەسە جوسپاردان 54،5 پايىزى شىعارىلدى. شىعارۋدىڭ تومەن قارقىنى قوستاناي وبلىسى - 13 پايىز، اقمولا وبلىسى - 36 پايىز جانە قاراعاندى وبلىسىندا - 51پايىز.

"كومىر ءوندىرۋشى كومپانيالارمەن 75،1 ملن توننا كومىر ءوندىرىلدى، بۇل وتكەن جىلدىڭ ۇقساس كەزەڭىمەن سالىستىرعاندا 97،2 پايىزدى قۇرايدى. ەلىمىزدىڭ ىشكى نارىعىنا وسى كەزەڭدە 51،5 ملن توننا كومىر جونەلتىلدى. ەنەرگيا ءوندىرۋشى كاسىپورىندارعا 39،6 ملن توننا كومىر جونەلتىلدى، بۇل 2018 جىلدىڭ ۇقساس كەزەڭىمەن سالىستىرعاندا 1،4پايىزعا از. ونەركاسىپتىك كاسىپورىندارعا 4،8 ميلليون توننا كومىر جونەلتىلدى، بۇل 2018 جىلدىڭ ۇقساس كەزەڭىمەن سالىستىرعاندا 15،2پايىزعا از. كوممۋنالدىق تۇرمىستىق قاجەتتىلىككە جانە حالىققا 7،1 ملن توننا كومىر جونەلتىلدى، بۇل 2018 جىلدىڭ كەزەڭىمەن سالىستىرعاندا - 92،8 پايىز. كومىر ەكسپورتى 19،8 ملن توننانى قۇرايدى، بۇل وتكەن جىلدىڭ سايكەس كەزەڭىمەن سالىستىرعاندا - 100،4 پايىز"، - دەدى ق ر يندۋستريا جانە ينفراقۇرىلىمدىق دامۋ ءمينيسترى. 

كوممۋنالدىق قىزمەتتەر ءۇشىن تۇتىنۋشىلاردىڭ بەرەشەگى 11،4 ملرد تەڭگەنى قۇرايدى. ەڭ كوپ دەبيتورلىق بەرەشەك الماتى قالاسىندا- 2،6 ملرد تەڭگە، نۇر-سۇلتان قالاسى - 1،7 ملرد تەڭگە، ماڭعىستاۋ وبلىسىندا - 1،5 ملرد تەڭگە، شىمكەنت قالاسىندا - 1،3 ملرد تەڭگە كولەمىندە ساقتالىپ وتىر. سونداي-اق 2018 جىلمەن سالىستىرعاندا الماتى قالاسىندا بەرەشەكتىڭ 533 ملن تەڭگەگە ءوسۋى بايقالادى.

بۇل رەتتە 2018 جىلمەن سالىستىرعاندا قارىزداردىڭ تومەندەۋى شىمكەنت قالاسىندا 1،1 ملرد تەڭگەگە جانە نۇر-سۇلتان قالاسىندا 568 ملن تەڭگەگە جەتتى.  دەبيتورلىق بەرەشەك بويىنشا ەڭ تومەن كورسەتكىشتەر الماتى وبلىسىندا  بايقالادى - 5 ملن تەڭگە.