2019 جىلدىڭ العاشقى 8 ايى ىشىندە تۇرعىن ءۇي قۇرىلىس جيناق بانكى 31 523 قازاقستاندىق وتباسىعا قولجەتىمدى شارتتارمەن زايم بەردى، دەپ حابارلايدى Qamshy.kz اقپارات اگەنتتىگى بانكتىڭ باسپا ءسوز قىزمەتىنە سىلتەمە جاساپ.
وتكەن جىلدىڭ ءدال وسى كەزەڭىندە 22 363 زايم بەرىلگەن بولاتىن. ءبىر جىل بۇرىن ورتاشا ەسەپپەن العاندا كۇنىنە 133 وتباسى باسپانالى بولسا، ال بيىل ولاردىڭ سانى 190-عا دەيىن ارتقان.
جالپى، بانكتەگى زايمنىڭ ورتاشا سوماسى 10،6 ملن تەڭگەنى قۇرايدى. اتاپ ايتساق، نەسيەنىڭ 38%-ى سالىمشىلارعا پاتەردى جاڭا سالىنعان ۇيدەن ساتىپ الۋ ماقساتىندا بەرىلسە، ال 58%-ى – قولدانىستاعى ۇيدەن پاتەر ساتىپ الۋ ءۇشىن بەرىلگەن.
تۇرعىن ءۇي قۇرىلىس جيناق بانكى جۇمىس جاساعالى بەرى 204 208 قازاقستاندىق وتباسى وزدەرىنىڭ تۇرعىن ءۇي جاعدايىن جاقسارتۋعا مۇمكىندىك الدى.
ولاردىڭ ىشىندە: 88،7% – باسپانا يەسى اتاندى، 6% – نەسيەنى ءوز ۇيىنە جوندەۋ جۇمىستارىن جۇرگىزۋ ماقساتىندا العاندار، 1،5% – نەسيەنى جەر ءۇي سالۋ ماقساتىندا العاندار، 0،7% – نەسيەنى جەر تەلىمىن ساتىپ الۋ ماقساتىندا العاندار.
پىكىر قالدىرۋ