الماتى اكىمى باقىتجان ساعىنتايەۆ تۇركىستان وبلىسىنا جاساعان جۇمىس ساپارى كەزىندە تۇركىستان قالاسىنداعى مەدياورتالىقتىڭ قۇرىلىس الاڭىندا بولدى.
بۇل – الماتىنىڭ ەلىمىزدىڭ رۋحاني استاناسىنا جاساعان سىيلىعى. ايتا كەتەرلىگى، ول قالانىڭ جاڭا اكىمشىلىك-ىسكەرلىك ورتالىعىنداعى قۇرىلىسى اياقتالعان العاشقى نىسانداردىڭ بىرىنە اينالماق. مەدياورتالىق استانالىق «قازمەديا ورتالىعى» ترك-دان كەيىن جاڭادان سالىنعان ەكىنشى نىسان.
قازىرگى كەزدە قازاقستاننىڭ قالعان بارلىق مەدياورتالىقتارى جابدىقتالعان عيماراتتاردا ورنالاسقان. مەدياورتالىق عيماراتى شىنىمەن تولىق ارلەنگەن. ونىڭ جالپى كولەمى – 3000 شارشى مەتردەن استام. مۇندا وبلىستىڭ بارلىق تەلەارنالارىنىڭ، گازەت پەن راديونىڭ رەداكسيالارى ورنالاسادى. وڭىرگە تۇركىتىلدەس ەلدەردىڭ ءىرى ب ا ق وكىلدەرىن شاقىرۋ جوسپارلانعان.
جوبانىڭ جالپى قۇنى – 4،8 ملرد تگ. ونىڭ ۇستىنە، تەك قۇرال-جابدىقتار قۇنىنىڭ ءوزى 2 ملرد تگ. قۇرايدى.
قۇرىلىس-مونتاج جۇمىستارى 2019 جىلدىڭ اقپان ايىندا باستالعان ەدى. قۇرىلىستىڭ اياقتالۋى – 2019 جىلدىڭ قازان ايى. بارلىق قاجەتتى جابدىقتاردى تولىعىمەن ورنالاستىرۋ شەشۋشى كەزەڭ بولىپ تابىلادى.
