ءبىلىم جانە عىلىم ءمينيسترى اسحات ايماعامبەتوۆ كوپبالالى انالارعا كۆوتامەن گرانت بەرۋ باستاماسىن ءتۇسىندىردى، دەپ حابارلايدى Qamshy.kz اقپارات اگەنتتىگى Sputnik قازاقستان ءتىلشىسىنىڭ دەرەگىنە سۇيەنە وتىرىپ.
ءبىلىم جانە عىلىم ءمينيسترى اسحات ايماعامبەتوۆ سوزىنشە كوپ بالالى انا دا مۇگەدەك مەن جەتىم بالالارعا بەرىلەتىن كۆوتانى الۋعا قۇقىلى بولادى.
"ەندى، بۇگىندە بۇل كۆوتاعا ۇلكەن سۇرانىس جوق. ءبىراق كوپبالالى انالارمەن كەزدەسكەندە وسىنداي ۇسىنىستار تۇسكەن. جالپى، ءقازىر كوپبالالى انالاردى جۇمىسقا تارتۋىمىز كەرەك، ولارعا ءبىلىم بەرۋىمىز كەرەك دەپ ايتىپ جاتىرمىز عوي. سوندىقتان وسى تۇرعىدا كوپبالالى انالار وقيمىز دەسە، ءبىز ونداي مۇمكىندىك بەرۋگە دايىنبىز"، - دەپ اتاپ كورسەتتى ايماعامبەتوۆ.
كوپ بالالى انا ۇبت تاپسىرىپ، شەكتىك بال العاننان كەيىن گرانت ءۇشىن باسقا دا ۇمىتكەرلەرمەن بىرگە بايقاۋعا تۇسەتىن بولادى.
پىكىر قالدىرۋ