ۋاقىتىندا ەڭبەك اقىلارى تولەنبەۋىنە بايلانىستى قۇرىلىسشىلار جۇمىستارىن توقتاتقان. ال قۇرىلىس جۇمىسى اياعىنا دەيىن جەتپەگەن. جىل اياعىنا دەيىن 21 كوشەدەگى جوندەۋ جۇمىستارى اياقتالۋى كەرەك ەدى. ازىرگە جوسپارلانعان جۇمىس تەك جارتىلاي عانا بىتكەن. جۇمىسشىلار "ەڭبەكاقىنى الماعانشا ورنىمىزدان قوزعالمايمىز" دەيدى. ولاردىڭ باسىم بولىگى قالاعا وڭتۇستىك وڭىردەن كەلگەن. بارلىعى – ءۇيىنىڭ جالعىز اسىراۋشىسى.
«جۇمىسقا تامىزدىڭ 15-دە كەلگەنمىن. سودان ءالى ايلىق العان جوقپىز. تاماق، جاتاتىن جەر وسى جەردەن. ءبىراق ءالى قولىمىزعا ايلىق تۇسكەن جوق»، - دەدى مەردىگەر كومپانيانىڭ جۇمىسشىسى قايرات ايناقۇلوۆ.
“بىزگە ءار ايدىڭ ونى كۇنى جالاقىنى بەرەمىز دەگەن. ايتقان ۋاقىتتارىنان اسىپ كەتتى. قىزىلوردا وبلىسى، قازالى اۋدانىنان جۇمىس ىستەۋگە كەلگەنبىز»،- دەدى مەردىگەر كومپانيا جۇمىسشىسى ىزەت مۇراتوۆ.
ال، مەردىگەر كومپانيانىڭ باسشىلىعى جۇمىس ورنىندا بولماي شىقتى. جۇمىسشىلاردىڭ كەلسىن دەگەن ءوتىنىشىن دە ەلەمەگەن. جينالعان جۇرتتىڭ سۇراقتارىنا كومپانيانىڭ جالعىز وكىلى، قۇرىلىس توبىنىڭ بريگاديرى جاۋاپ قاتتى. الايدا ونىڭ سوزىنشە، جالاقى تەك 10 كۇن بەرىلمەي قالعان. مۇنداي جاعداي ءبىرىنشى رەت بولىپ وتىرعان كورىنەدى. "ءبىز تەك ءبىر ايدىڭ جالاقىسىن بەرۋىمىز كەرەك. اۋماق باسشىسى جۇمىسشىلارعا اۆانس بەرۋ ءۇشىن كەڭسەگە كەتتى"، - دەيدى "داۋلەت-دورستروي" ج ش س قۇرىلىس بريگاداسىنىڭ باسشىسى ايبار اۋباكىروۆ.
قۇرىلىسشىلاردىڭ سوزىنشە، جالاقىنىڭ بەرىلمەۋىنە قارجىلاي قيىندىقتار سەبەپ بولعان. تاپسىرىس بەرۋشى قالالىق موبيلدىلىك باسقارماسى قارجىنى تولىق اۋدارماعان كورىنەدى. سول سەبەپتى ەڭبەكاقى كەشىكتىرىلىپ تۇر ەكەن. ال باسقارما بەلگىلەنگەن قاراجات مەردىگەر كومپانياعا ۋاقىتىلى اۋدارىلعانىن العا تارتقان.
پىكىر قالدىرۋ