العاشىندا ازامات ۇلكەن اعاسى ءۇشىنشى توپتاعى مۇگەدەك بولىپ قالعاننان كەيىن الەۋمەتتىك جۇمىس ورنىن اشۋ تۋرالى ويلايدى. كەيىننەن تاۋەكەلگە بەل بۋىپ، ءوزىنىڭ پاتەر ساتىپ الۋعا جيناعىن اقشاسىن ارقىلى كافەنى اشادى. سونداي-اق اكەسى ۇلىنىڭ ويىن قۇپتاپ، جەكە كولىگىن ساتىپ كومەكتەسەدى.
بازىلوۆ كافەدە جۇمىس ىستەيتىن ساڭىراۋ ادامداردى اعاسىنىڭ كومەگىمەن تاپقانىن ايتتى.
– قازىرگى تاڭدا ءبىزدىڭ كافەنىڭ تۇراقتى كليەنتتەرى بار. كەلۋشىلەرگە تاعام تاڭداۋ قيىنعا سوقپايدى. بارلىق مازىرلەردى سۋرەتتەر ارقىلى كورسەتىپ بەردىك، تاپسىرىس بەرۋشىگە قولايلى بولسىن دەپ.
ال جۇمىس ىستەيتىندەردىڭ باسىم كوپشىلىگى باسقا قالادان كەلگەن. اتاپ ايتسام، رينات نۋرىم – تالدىقورعاندىق. ول بۇل كافەنى دوستارى ارقىلى ەستىپ،ارنايى ىزدەپ كەلدى.
"ءبىز جۇمىس ىستەۋگە نيەتتى بولعانىمىزبەن كوبىندە كەز كەلگەن جان جۇمىس تاۋىپ بەرە المايدى.ءبىز ءۇشىن تاعى ءبىر مۇمكىندىك اشىلعانىنا قۋانىشتىمىز. مەن نۇر-سۇلتانعا كوشىپ كەلگەنىمە ەش وكىنبەيمىن. ءارى قاراي ءوزىمدى دامىتقىم كەلەدى"، – دەيدى رينات نۋرىم.
مۇمكىندىگى شەكتەۋلى ءار جان قوعامنىڭ مۇشەسى. ولاردا وزگەلەر سەكىلدى قىزمەت ەتۋ ءۇشىن مەملەكەت ارنايى جوبالاردى كوبىرەك قاراستىرسا، بۇگىنگىدەي وقشاۋلانىپ قالماس ەدى.
پىكىر قالدىرۋ