ق ر سىرتقى ىستەر ءمينيسترى مۇحتار تىلەۋبەردى قىتايدا تۇتقىندالعان قازاقستاندىق اقجارقىن تۇرلىباي ءىسى تۋرالى پىكىر ءبىلدىردى، دەپ حابارلايدى Qamshy.kz اقپارات اگەنتتىگى قازاقپارات.  ءتىلشىسىنىڭ دەرەگىنە سۇيەنىپ.

«پرەزيدەنت قىتايعا بارعاندا، ءىستى بارىنشا ءادىل قاراۋ تۋرالى ەڭ جوعارعى دەڭگەيدە ءوتىنىش ءبىلدىردى. دەگەنمەن، وزدەرىڭىز بىلەسىزدەر، سوت پروسەسى ءالى ءجۇرىپ جاتىر، سوندىقتان كۇتەمىز. سوت پروسەسىنەن كەيىن بالكىم، ونى ەكستراداسيالاۋ كەزەڭىنە وتەتىن شىعارمىز»، - دەدى مۇحتار تىلەۋبەردى «Nur Otan» پارتياسىنداعى قابىلداۋدا تىلشىلەرگە بەرگەن سۇحباتىندا.

ەسكە سالا كەتسەك، 13 قىركۇيەكتە پرەزيدەنت قاسىم-جومارت توقايەۆ قىتايعا مەملەكەتتىك ساپارى بارىسىندا ەسىرتكى كونترابانداسىمەن ايىپتالعان وتانداسىمىز اقجارقىن تۇرلىبايعا اراشا ءتۇستى .

3 قىركۇيەكتە گۋانچجوۋ سوتىندا ەسىرتكى كونترابانداسىمەن ايىپتالعان اقجارقىن تۇرلىبايدىڭ قىلمىستىق ءىسى بويىنشا وتىرىس ءوتتى. وتىرىس بارىسىندا قورعاۋشى تاراپ ۇسىنعان قىلمىستىق ءىستىڭ ماتەريالدارى قارالدى.

21 جاستاعى قازاق قىزى اقجارقىن تۇرلىباي 2014 جىلدىڭ ناۋرىز ايىندا قىتايدىڭ مالايزيامەن شەكاراسىندا ەسىرتكىمەن ۇستالعان بولاتىن. ونىڭ جۇك سومكەسىنەن 4،5 كەلى ەسىرتكى تابىلدى، اقجارقىن ول تۋرالى بىلمەيتىنىن مالىمدەگەن. وسى ءىس بويىنشا قىتايدىڭ گۋانچجوۋ سوتى اقجارقىن تۇرلىبايدى ەسىرتكى كونترابانداسىمەن ايىپتاپ، ءومىر بويىنا باس بوستاندىعىنان ايىردى. 2016 جىلى 7 ساۋىردە اپەللياسيالىق ساتىداعى سوت اقجارقىن تۇرلىبايدى ءومىر بويىنا باس بوستاندىعىنان ايىرۋ جازاسىن وزگەرتۋ جانە ءىستى ءبىرىنشى ساتىداعى سوتتىڭ قاراۋىنا جىبەرۋ تۋرالى قاۋلى ەتكەن بولاتىن.