ورالدا ءۇش اۆتوكولىك سوقتىعىسىپ، ەكى ادام قازا تاپتى، دەپ حابارلايدى Qamshy.kz اقپارات اگەنتتىگى قازاقپاراتتىڭ دەرەگىن نەگىزگە الىپ. 

وبلىستىق دەنساۋلىق ساقتاۋ باسقارماسىنىڭ باسپا ءسوز حاتشىسى ايناگۇل ساقپوسىنوۆانىڭ ايتۋىنشا، وقيعا بۇگىن ترەكين كەنتى باعىتىنداعى ورال-جەلايەۆ جولىندا بولدى. جەدەل جاردەم ساعات 16.38-دە شاقىرىلىپ، بريگادا 10 مينۋتتان كەيىن جەتتى. 

جول اپاتى سالدارىنان 5 ادام زارداپ شەكتى. جاسى شامامەن 30-35-تەگى ەكى ەر ادام جەدەل جاردەم كەلگەنگە دەيىن كوز جۇمدى. 

1967 جىلعى ەر، 1982 جىلعى ايەل ادام جانە 2011 جىلعى بالا قالالىق كوپبەيىندى اۋرۋحاناعا جەتكىزىلدى. الدىن الا مالىمەت بويىنشا ۇشەۋى دە جابىق باس-مي جاراقاتىن العان جانە ميلارى شايقالعان. بالا كەيىن وبلىستىق كوپبەيىندى اۋرۋحاناعا اۋىستىرىلدى. 

قازىرگى كەزدە وقيعانىڭ جاي-جاپسارى انىقتالىپ جاتىر. 

ەسكە سالا كەتەيىك، بۇدان بۇرىن ورالدا 21 جاسار قىزدىڭ جەتىنشى قاباتتان سەكىرىپ كەتكەنىن جازعان بولاتىنبىز.