بيىل شقو كوكپەكتى اۋدانىندا جۇمىسسىزداردى كاسىبي وقىتۋ مەن قايتا دايارلاۋعا 100 ادام، قوعامدىق جۇمىس ورىندارىنا 162 ادام تارتىلدى، الەۋمەتتىك جۇمىس ورىندارىنا 26 ادام، «جاستار ءىس تاجىريبەسىنە» 16 ادام جىبەرىلدى. بۇل تۋرالى ايماقتىق كوممۋنيكاسيالار قىزمەتىندە وتكەن بريفينگتە اۋدان اكىمى اسحات سمايلوۆ ءمالىم ەتتى.

اعىمداعى جىلى كوكپەكتى اۋدانىندا ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017 – 2021 جىلدارعا ارنالعان «ەڭبەك» مەملەكەتتىك باعدارلاماسى اياسىندا «باستاۋ بيزنەس» جوباسىمەن 106 ادام كاسىپكەرلىك نەگىزدەرىن، «جاس كاسىپكەر» جوباسى بويىنشا 113 ادام وقىتۋدان وتكىزىلدى.

جاڭا فورماتتى اتاۋلى الەۋمەتتىك كومەك 619 وتباسىنا، سونىڭ ىشىندە 2913 الۋشىعا 213،5 ملن. تەڭگە سوماسىندا تاعايىندالدى.

– ورتاشا ايلىق جالاقى 114،0 مىڭ تەڭگە، ءوسۋ قارقىنى 114،5 پايىزدى قۇرايدى، – دەدى اسحات سمايلوۆ.