قازاقستان پرەزيدەنتى قاسىم-جومارت توقايەۆ رەسەي پرەزيدەنتى ۆلاديمير ءپۋتيندى تۋعان كۇنىمەن قۇتتىقتادى. بۇل تۋرالى اقوردا سايتى حابارلادى.
اقوردانىڭ حابارلاۋىنشا، توقايەۆ پۋتينمەن تەلەفون ارقىلى سويلەسكەن.
– قاسىم-جومارت توقايەۆ رەسەي فەدەراسياسىنىڭ پرەزيدەنتى ۆلاديمير ءپۋتيندى تۋعان كۇنىمەن قۇتتىقتاپ، زور دەنساۋلىق، باق-بەرەكە جانە رەسەي حالقىنىڭ يگىلىگى جولىنداعى ەڭبەگىنە تابىس تىلەدى.
ۆلاديمير پۋتين قاسىم-جومارت توقايەۆقا قۇتتىقتاعانى ءۇشىن ريزاشىلىق ءبىلدىرىپ، دوستىق پەن تاتۋ كورشىلىكتىڭ بەرىك قارىم-قاتىناسىنا قۇرىلعان قازاقستان مەن رەسەي اراسىنداعى ىنتىماقتاستىقتىڭ جوعارى دەڭگەيدە ەكەنىن اتاپ ءوتتى.
ەكى ەلدىڭ باسشىلارى الداعى جۇمىس كەستەسىن اقىلداستى. ونىڭ ىشىندە، بيىلعى 6-7 قاراشا كۇندەرى ومبى قالاسىندا وتەتىن قازاقستان مەن رەسەي ىنتىماقتاستىعىنىڭ XVI ايماقارالىق فورۋمىنا دايىندىق بارىسىن تالقىلادى، – دەلىنگەن اقوردانىڭ حابارلاماسىندا.
پىكىر قالدىرۋ