تىرناق بوياۋلارى قاتەرلى ىسىك اۋرۋىنىڭ ءقاۋپىن ارتتىرادى. بۇل تۋرالى زەلينسكيي اتىنداعى ورگانيكالىق حيميا ينستيتۋتىنىڭ عىلىمي-زەرتتەۋ ينجەنەرى ولگا مۋلين باسپا ءسوز ءماسليحاتىندا باياندادى.

ماماننىڭ مالىمدەمەسىندە تىرناق بوياۋىنىڭ تەز قالىڭداتىلۋىنا جول بەرمەۋ ءۇشىن وعان قاتەرلى ىسىك تۋدىرۋى مۇمكىن فورمالدەگيد قوسىلاتىندىعى اشىق ايتىلدى. سونداي-اق بوياۋ قۇرامىندا ديبۋتيلفتالات بار. ياعني ول لاكتى تەگىستەيدى جانە ولار ەندوكريندىك جۇيەگە تەرىس اسەر ەتۋى مۇمكىن. وسى ەكى ءقاۋىپتى زاتتاردىڭ اسەر ەتۋى بىرنەشە جىلدان كەيىن عانا اعزادا پايدا بولۋى مۇمكىن. ولاردان باۋىر مەن وكپە كوپ زارداپ شەگەدى، -دەيدى توكسيكولوگ ەۆگەنيا كوۆاليەۆا.

ساراپشىلار جارامدىلىق مەرزىمى بىتكەن لاكتى مۇلدەم قولدانۋعا بولمايتىنىن ايتتى. سەبەبى، ۋاقىت وتە كەلە ونىمدەردە جاڭا ۋلى زاتتار پايدا بولادى.

ال ساراپشىلار كۇندەلىكتى "3-FREE" نەمەسە "5-FREE" دەگەن سوزدەر جازىلعان لاك تاڭداۋعا كەڭەس بەرەدى. اتالمىش بوياۋدا ۇش-بەس ءقاۋىپتى قوسىلىستىڭ جوقتىعىن كورسەتەدى.