وبلىس ورتالىعىنىڭ پوليسەيلەرى «لەكسۋس Rح-300» اۆتوكولىگىن ۇرلادى دەگەن كۇدىككە ىلىنگەن 15 جاسار قىزدى ۇستادى دەپ جازادى Qamshy.kz اقپارات اگەنتتىگى وبلىستىق دەپارتامەنتىنىڭ باسپا ءسوز قىزمەتىنىڭ دەرەگىن نەگىزگە الىپ. ونىڭ ايماقتاعى كوللەدجدەردىڭ بىرىندە وقيتىنى انىقتالدى.

وقيعا 6 قازاندا تىركەلگەن. تالدىقورعان قالاسى پوليسياسىنىڭ  «102» ارناسىنا جەرگىلىكتى ساۋنالاردىڭ ءبىرىنىڭ اۋماعىنان دجيپ ۇرلانعانى  تۋرالى حابارلاما كەلىپ ءتۇستى. كوشەلەردە ورنالاستىرىلعان بەينەباقىلاۋ كامەرالارى ارقىلى ءتارتىپ ساقشىلارى ۇرلانعان كولىكتىڭ باعىتىن انىقتاپ، قالادان شىعۋ جولدارىنا توسقاۋىل قويدى.

 «اۆتوكولىك وبلىس ورتالىعىنان ۇشتوبە قالاسىنا قاراي بەت العان. كۇدىكتى قۇربىسىمەن بىرگە كولىكتى تاستاپ، تاكسي ۇستاپ ءىز سۋىتۋعا تىرىستى. كۇدىككە ىلىنگەن بويجەتكەن كولىك يەسىنىڭ تانىسى بولىپ شىقتى. كۇدىكتى قالالىق پوليسياعا جەتكىزىلدى جانە 15 جاستاعى بويجەتكەننىڭ ۇشتوبە كوللەدجىنىڭ بىرىندە وقيتىنى انىقتالدى. ۇرلانعان اۆتوكولىك بىردەن زاڭدى يەسىنە قايتارىلدى.» - دەپ حابارلايدى الماتى وبلىسى پد باسپا ءسوز قىزمەتى.

اۆتوكولىكتى زاڭسىز يەلەنۋ فاكتىسى بويىنشا سوتقا دەيىنگى تەرگەۋ امالدارى جالعاسۋدا. قۇقىق بۇزۋشىلىققا قاتىسى بار جاعدايلار تەكسەرۋ بارىسىندا انىقتالادى.