«الماتىەلەكتروترانس» ج ش س Zhongtong ماركالى جاڭا اۆتوبۋستاردىڭ العاشقى لەگىن ساتىپ الدى. جاقىن كۇندەرى، مەمتىركەۋدەن جانە دايىندىقتان وتكەن سوڭ اۆتوبۋستار تەستىلىك رەجيمدە № 12 باعىت بويىنشا جولعا شىعىپ، «قازاقستان» قوناق ۇيىنەن (دوستىق داڭعىلىنىڭ بۇرىشى – قۇرمانعازى كوشەسى) مەدەۋ مۇز ايدىنىنا دەيىن بارادى. اۆتوبۋس سۇيىتىلعان (سىعىلعان) تابيعي گازبەن (CNG) جۇرەدى، كونديسيونەرلەرمەن جانە ۆيدەوباقىلاۋمەن جابدىقتالعان.

تاسىمالداۋشى كومپانيا حابارلاعانداي، اۆتوبۋستار ارنايى قالالىق جولاۋشىلار تاسىمالى ءۇشىن جاسالعان. سىيىمدىلىعىنىڭ ۇلكەن بولۋىمەن قاتار كولىكتەردى تومەن ەدەندى كونسترۋكسيالارى ەرەكشەلەندىرەدى.

كولىكتىڭ سىيىمدىلىعى – 104 ادام، 22 وتىراتىن ورىن جانە قيمىلى شەكتەۋلى جولاۋشىلار ءۇشىن 3 ورىن بار.

كەيىنگى كەزەكتە «الماتىەلەكتروترانس» ج ش س اۋەجاي مەن قالانىڭ ىقشاماۋداندارىن بايلانىستىراتىن №92 باعىتتاعى كولىكتەردى جاڭارتاتىن بولادى.

«الماتى اكىمى ب. ساعىنتايەۆ قويعان باستى مىندەت – كورسەتىلەتىن قىزمەت ساپاسىن جوسپارلى تۇردە ارتتىرۋ جانە قوزعالىستار ينتەرۆالىن قىسقارتۋ»، – دەپ اتاپ ءوتتى تاسىمالداۋشى كومپانيا.