الماتى اكىمدىگىنىڭ باسپا ءسوز ورتالىعىندا وتكەن بريفينگتە «باقىت» دەكوراتيۆتى-قولدانبالى ونەر ورتالىعىنىڭ مەنەدجەرى، كورمەنى ۇيىمداستىرۋشى كۇنسۇلۋ ابدىكارىم اتالعان شارانىڭ 4-6 قازان ارالىعىندا وتەتىنىن حابارلادى، دەپ جازادى قالالىق اكىمدىكتىڭ باسپا ءسوز قىزمەتى.

كورمە-جارمەڭكە تاقىرىپتىق اتاۋلار بويىنشا ءبىر جىلدا ءتورت رەت وتەدى: كوكتەمدە – «قىزعالداقتار ۋاقىتى»، جازدا – «جىبەك جولى»، كۇزدە – «التىن الما» جانە قىستا -– «شىعىس بازارى».

«مۇنداي شارالار ورتا ازيا ەلدەرى اراسىندا ەكونوميكالىق جانە مادەني بايلانىستاردى دامىتۋدا ۇلكەن ماڭىزعا يە. الماتى ءبىر جىل ىشىندە بىرنەشە رەت ءتۇرلى مەملەكەتتەردىڭ قولدانبالى ونەر شەبەرلەرىنىڭ ورتالىعىنا اينالادى»، – دەپ اتاپ ءوتتى ورتالىق مەملەكەتتىك مۋزەيدىڭ باسپا ءسوز حاتشىسى اقمارال ايدىنبايەۆا.

جارمەڭكەگە قازاقستاننىڭ، قىرعىزستاننىڭ، تاجىكستان مەن تۇركمەنستاننىڭ، وزبەكستان مەن رەسەيدىڭ جانە گرۋزيانىڭ شەبەرلەرى جاساعان سىيلىق جانە سۋۆەنير بۇيىمدار قويىلادى، ولار: كيىم، پاننو، گوبەلەندەر، كيىز بەن تەرىدەن جاسالعان بۇيىمدار، توقىلعان زاتتار، زەرگەرلىك بۇيىمدار، بيجۋتەريا جانە باسقالارى.

ۇسىنىلاتىن سۋۆەنيرلىك بۇيىمداردىڭ نەگىزگى تاقىرىبى – المالار. ويتكەنى، الما – الماتىنىڭ باستى سيمۆولى.

دەكوراتيۆتى-قولدانبالى ونەر بويىنشا شەبەرلىك سىنىپتارى قاتار وتەتىن بولادى.