الماتى قالاسىنىڭ كاسىپكەرلىك جانە ينۆەستيسيا باسقارماسىنىڭ مالىمەتى بويىنشا تالدىقورعان، قاپشاعاي، تەكەلى قالالارى مەن الماتى وبلىسىنىڭ 17 اۋدانى جالپى قۇنى 111 ملن. تەڭگەدەن اساتىن ءتۇرلى اۋىلشارۋاشىلىق ونىمدەرىن جەتكىزەتىن بولادى. شاراعا «جەتىسۋ» اكك» اق دا قاتىسادى، دەپ حابارلايدى almaty.gov.kz سايتى.

الماتىلىقتار مەن قالا قوناقتارىنا جالپى كولەمى 180 توننا بولاتىن ازىق-تۇلىك تاۋارلارىنىڭ 50-دەن استام تۇرلەرى ۇسىنىلادى، ونىڭ ىشىندە 50 توننا ەت جانە بالىق ونىمدەرى، 86 توننا جەمىس-كوكونىس، 14 توننا ءسۇت ونىمدەرى، سونىمەن قاتار جارما، ۇن، وسىمدىك جانە مال مايلارى بار. جارمەڭكە باعاسى بازارداعى ورتا باعادان تومەن بولادى. مىسالى، ءبىر كيلوگرامم سيىردىڭ ەتىن 1700 تەڭگەگە، قۇستىڭ ەتىن 750 تەڭگەدەن، كارتوپتى 80 تەڭگەدەن، پيازدى 65 تەڭگەدەن الۋعا بولادى.

جارمەڭكە تاڭعى ساعات 8:00-دە باستالادى. شارا اياسىندا ۇيىمداستىرۋشىلار ءوڭىردىڭ كوركەم ونەرپازدار ۇجىمدارىنىڭ قاتىسۋىمەن قىزىقتى كونسەرتتىك باعدارلاما دايىنداعان.

ەسكە سالساق، كەڭەيتىلگەن اۋىل شارۋاشىلىق جارمەڭكەلەرىن وتكىزۋدەگى ماقسات – قالالىقتاردى قولجەتىمدى باعاداعى ءتۇرلى ساپالى ونىمدەرمەن قامتاماسىز ەتۋ.

تاياۋ ارادا الماتىدا جامبىل، تۇركىستان جانە شىعىس قازاقستان وبلىستارىنىڭ قاتىسۋىمەن وسىنداي جارمەڭكەلەر وتەتىن بولادى.