«اسىل ارنا» تەلەارناسىنىڭ ديرەكتورى، اقىن مۇحامەدجان تازابەك پوليسەيلەرگە ۋاعىز ايتقاننان كەيىن باسى داۋعا ءقالدىى. بۇگىندە ىشكى ىستەر مينيسترلىگىندەگىلەر ونىڭ ۋاعىزى ءۇشىن تەكسەرىس باستادى. بۇل تۋرالى ءمينيستردىڭ ورىنباسارى الەكسەي كالايچيدي جۋرناليستەردىڭ سۇراعىنا جاۋاپ بەرۋ بارىسىندا ايتى،– دەپ Qamshy.kz اقپارات اگەنتتىگى  حابارلايدى.

الەكسەي كالايچيديدىڭ سوزىنشە، مينيسترلىك اتالعان كەزدەسۋدىڭ مازمۇنى مەن قانشالىقتى قاجەت بولعانىن تەكسەرۋدە. 

«ءاربىر مەملەكەتتىك ورگاننىڭ اقپاراتتى جۇمىستاردى جۇرگىزۋ جوسپارى بار. ولار قانداي دا ءبىر كەزدەسۋگە سول ادامدى شاقىرۋ اقىلعا قونىمدى بولادى دەگەن قوعام قايتاركەرلەرىن شاقىرادى. بۇگىنگى تاڭدا ءبىز بۇل كەزدەسۋدىڭ قانشالىقتى قاجەت بولعانىن، ونىڭ ءمانى مەن مازمۇنىن تەكسەرىپ جاتىرمىز. ارتىنشا باعالاپ، شەشىم قابىلدايمىز. تەكسەرىس سوڭىنا جەتپەيىنشە، بۇل تۋرالى پىكىر بىلدىرە المايمىن»، – دەيدى ىشكى ىستەر ءمينيسترىنىڭ ورىنباسارى. 

ۆيسە-مينيستردىڭ ايتۋىنشا، مۇحامەدجان تازابەكتى اتالعان كەزدەسۋگە مامانداندىرىلعان كۇزەت قىزمەتى باسقارماسى شاقىرعان بولۋى مۇمكىن.