قازاقستاندىق عالىم كونستانتين سىروەجكين سوت شەشىمىمەن 10 جىلعا سوتتالدى، – دەپ حابارلادى ۇلتتىق قاۋىپسىزدىك كوميتەتىنىڭ باسپا ءسوز قىزمەتىنە سىلتەمە جاساپ،Qamshy.kz اقپارات اگەنتتىگى.

الماتى قالاسىنىڭ مامانداندىرىلعان اۋدانارالىق قىلمىستىق ىستەر بويىنشا سوتى كونستانتين سىروەجكيندى قىلمىستىق كودەكستىڭ 175-بابىنىڭ 1ء-بولىمى "مەملەكەتكە وپاسىزدىق جاساۋ" بويىنشا كىنالى دەپ تانىپ، 10 جىلعا سوتتادى.

 قازاقستاندىق قىتايتانۋشى تۋرالى ءسىز نە بىلەسىز؟

كونستاتين سىروەجكين – قازاقستان ازاماتى.

قازاقستان پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتىنىڭ سايتىندا 62 جاستاعى سىروەجكين 2006 جىلدىڭ باسىنان بەرى باس عىلىمي قىزمەتكەر بولىپ جۇمىس ىستەيتىنى حابارلانعان.

مامىر ايىنىڭ باسىندا باق-تا قازاقستاندىق ارنايى قىزمەتتەر سىروەجكيندى، الدىن الا بولجام بويىنشا، تىڭشىلىق جاسادى دەگەن ايىپپەن ۇستاعانى تۋرالى اقپارات جاريالاندى.

كەيىنىرەك قازاقستاندىق عالىمدار بيلىكتەن سىروەجكينگە قاتىستى جاعدايدى ءتۇسىندىرۋدى جانە ەگەر بۇل اقپارات راستالسا، تەرگەۋ بارىسىن جەكە باقىلاۋعا الۋدى سۇرادى.

سىروەجكين – قىتايتانۋشى عالىم.  كوپتەگەن كىتاپتىڭ، سونداي-اق ورىس، اعىلشىن جانە جۇڭگو تىلدەرىندەگى مىڭنان اسا ماقالانىڭ اۆتورى.

اشىق دەرەككوزدەرگە سۇيەنسەك، ول قازاقستان ساياسي عىلىمدار اكادەمياسىنىڭ اكادەميگى، تاريحي عىلىمدار كانديداتى جانە ساياسي عىلىمدار دوكتورى، سونداي-اق سينسزيان ۋنيۆەرسيتەتىنىڭ قۇرمەتتى پروفەسسورى.