ۋكراينانىڭ پرەزيدەنتى زەلەنسكيي 14 ساعاتقا سوزىلعان پرەسس-كونفەرەنسيا وتكىزىپ، رەكورد ورناتتى دەپ جازادى Qamshy.kz اقپارات اگەنتتىگى. كييەۆ قالاسىندا بولعان پرەسس-كونفەرەنسيا كۇندىزگى 10:00-دە باستالىپ، ءتۇن جارىمدا اياقتالعان. 

كونفەرەنسيا بارىسىندا پرەزيدەنت جۋرناليستەرگە تاماق ۇسىنىپ، ءبىرقاتار ماڭىزدى ماسەلەلەردى ەمىن-ەركىن وتىرىپ تالقىلادى. زەلەنسكييگە 100-دەن استام شەتەلدىك جانە ۋكراينالىق جۋرناليستەر سۇراق قويدى. 

سونداي-اق ۋكراينا پرەزيدەنتى مايدانداعى نارازىلىقتار، دونباسستاعى سوعىستىڭ اياتالۋى، «شتاينمايەر فورمۋلاسى»، دونالد ترامپتىڭ «قىسىمى» تۋرالى پىكىر ءبىلدىردى. 

"مەن ءبىرىنشى پۋتينگە حابارلاستىم. سويلەسىپ، پىكىر الماستىق. باسقا دا قوڭىراۋلاردىڭ ءبارىن مەن جۇرگىزدىم. شىنىمەن سوعىستىڭ توقتاعانىن قالايمىن. ءبىرىنشى بولىپ حابارلاسسام مەنىڭ باسىمداعى ءتاجىم ءتۇسىپ قالمايتىنى انىق. ءبىزدىڭ تاراپتان العاشقى قادامدار جاسالدى دەپ سەنىمدى تۇردە ايتا الامىن"، - دەيدى زەلەنسكيي.

سوڭعى ساعاتتاردا زەلەنسكيي سويلەۋگە قينالىپ جاتقانىن ايتتى. داۋسىن جوعالتىپ الماۋ ءۇشىن پرەزيدەنت ارنايى ەكپە سالدىردى. 

"بايلانىس مەنىڭ ەڭ ءالسىز تۇسىم. مۇنى بىلەتىن دە شىعارسىزدار. ءبىراق ءبىز الدىن الا دايىندالدىق. ەگەر داۋسىمدى جوعالتسام، قايتارامىز" ، - دەدى زەلەنسكيي.