تۇرىك اسكەرى سيريانىڭ سولتۇستىك-شىعىسىندا اقش-قا وداقتاسقان كۇردتەر باسقارعان اسكەري وداققا قارسى ءىرى شەكارا وپەراسياسىن باستادى. بۇل سيرياداعى اقش اسكەرلەرى شەكارا ايماعىنان شىققاننان كەيىن ورىن الدى.
بۇل تۋرالى اقش پرەزيدەنتى دونالد ترامپ Twitter جەلىسىندەگى پاراقشاسىندا: «ءبىز «يراك جانە ليەۆانت يسلام مەملەكەتى» حاليفاتىن 100% جەڭدىك، ەندى تۇركيانىڭ سيرياداعى شابۋىلىنا ۇشىراعان ايماقتا ءبىزدىڭ اسكەر جوق. ءبىز ءوز جۇمىسىمىزدى كەرەمەت ورىندادىق! ءقازىر تۇركيا 200 جىلدان بەرى بىر-بىرىمەن سوعىسىپ جاتقان كۇردتەرگە شابۋىل جاساپ جاتىر»، - دەپ جازعان بولاتىن.
تۇركيا مەملەكەتىنىڭ كۇرد اسكەرىنە شابۋىل جاساۋىنىڭ بىردەن-بىر سەبەبى: تۇركيا كۇردتەر باستاعان وداقتاعى ەڭ ۇلكەن ميليسيانى تەرروريستىك توپ دەپ سانايدى. بۇل تۇركياداعى كۇردتەردىڭ كوتەرىلىسشىلەر توبىنىڭ جالعاسى دەپ ايتادى.
تۇركيا اسكەرى سيريا جەرىنە كىرگەننەن كەيىن كۇرد جاساعى حالىقارالىق قاۋىمداستىققا ەسكەرتۋ جاسادى: ەگەر بىزگە شابۋىل جاسالسا، يليم («يراك جانە ليەۆانت يسلام مەملەكەتى» حاليفاتى) قايتىپ كەلەدى.
كۇرد جاۋىنگەرلەرى تۇركيامەن سوعىسۋ ءۇشىن قىزمەتتەرىن تاستاپ كەتەتىن بولسا، مىڭداعان «ISIS» تۇتقىندارى وتىرعان تۇرمەنىڭ بۇزىلۋ ءقاۋپى بار.
سيريانىڭ دەموكراتيالىق كۇشتەرىنىڭ وكىلى مۇستافا بالي: «ISISء-تىڭ قايتىپ كەلمەۋى ءۇشىن كوپ جۇمىس جاساۋىمىز كەرەك. امەريكا كەتسە، ءبارى جويىلادى»
پىكىر قالدىرۋ