پرەزيدەنتى قاسىم-جومارت توقايەۆ "شەنگەن" سياقتى تمد ەلدەرىندە ءبىرىڭعاي ۆيزا ەنگىزۋ ماسەلەسىن قاراستىرۋدى ۇسىندى. مەملەكەت باسشىسى بۇل تۋرالى اشحابادتا تمد مەملەكەت باسشىلارى كەڭەسىنىڭ وتىرىسىندا مالىمدەگەنىن Qamshy.kz اقپارات اگەنتتىگى حابارلايدى.
"وكىنىشكە قاراي، ۇلتتىق ۆيزا جانە كوشى-قون رەجيمدەرىندە ايتارلىقتاي ايىرماشىلىق بار. ولار تمد-داعى بىرنەشە ەلگە بىردەن بارعىسى كەلەتىن شەتەلدىك تۋريستەر ءۇشىن قولايسىزدىق تۋعىزۋدا. مەن بۇل وتە قيىن ەكەنىن تۇسىنەمىن. دەگەنمەن تمد اۋماعىندا شەنگەن كەلىسىمى ءتارىزدى "دوستاستىق ۆيزاسى" دەگەن شارتتى اتاۋمەن ءبىرىڭعاي رەجيم ەنگىزۋ ماسەلەسىن قاراۋدى ويلانۋ كەرەك شىعار"، –دەپ ۇسىندى توقايەۆ.
ونىڭ ايتۋىنشا، مۇنداي ۆيزا دوستاستىق ەلدەرىندەگى ءتۋريزمنىڭ دامۋىنا ىقپال ەتەدى.
توقايەۆ ءاربىر ەلدە الەمنىڭ تۇكپىر-تۇكپىرىنەن تۋريستەردى تارتا الاتىن ءوزىنىڭ ەرەكشە تابيعي جانە تاريحي نىساندارى بار ەكەنىن اتاپ ءوتتى.
پىكىر قالدىرۋ