ولار اباي اتىنداعى كىتاپحانادا قالالىق بەلسەندى جاستارمەن جانە ەتنو-مادەني بىرلەستىكتەرمەن كەزدەستى.
بۇل ەكسپەديسيا پاۆلودار وبلىسىنان ءوتىپ، ەندى شقو-عا كەلدى. كەزدەسۋ بارىسىندا ەكسپەديسياعا قاتىسۋشىلار ساياحات تۋرالى ءوز اسەرلەرىمەن ءبولىسىپ، تۋعان جەردىڭ تاريحىن ءبىلۋ قانشالىقتى ماڭىزدى ەكەنىن اتاپ ءوتتى. ەكسپەديسيانىڭ باستى ماقساتى – جاستاردى تۋعان ولكەنىڭ تاريحىمەن تانىستىرۋ جانە وسكەلەڭ ۇرپاققا پاتريوتتىق سەزىمدى تاربيەلەۋ.
– "رۋحاني جاڭعىرۋ" باعدارلاماسى اياسىندا كوپتەگەن ءىس-شارالار وتكىزىلۋدە. ولاردىڭ ءبىرى – ءبىزدىڭ ەكسپەديسيا. ءبىزدىڭ ماقسات – تەك باعىت بويىنشا ءجۇرىپ قانا قويماي، تاريحتى تانىپ، جاستارعا پاتريوتتىق تاربيە بەرۋ. ءبىزدىڭ ەكسپەديسيانىڭ بارلىق قاتىسۋشىلارى ءارتۇرلى كونكۋرستاردىڭ قاتىسۋشىلارى مەن جەڭىمپازدارى. ەكسپەديسيا كەزىندە ءبىز فوتو-بەينە تۇسىرەمىز جانە بارلىق وسى اقپاراتتى الەۋمەتتىك جەلىلەرگە تاراتامىز. وسىلايشا بىزبەن بىرگە كوپتەگەن جازىلۋشىلارىمىز دا بىرگە ساياحاتتايدى، – دەيدى قاراعاندى وبلىسى اكىمدىگى اپپاراتى جانىنداعى "قوعامدىق كەلىسىم" كمم باسشىسى ەرلان قۇسايىنوۆ.
وسى ۋاقىت ىشىندە ەكسپەديسياعا قاتىسۋشىلار كوپتەگەن تاريحي جانە ماڭىزدى جەرلەرگە بارادى.
– ەكسپەديسيا قورىتىندىسى بويىنشا بريفينگتەر وتكىزىلىپ، تەليەۆيزيالىق باعدارلامالار تۇسىرىلەدى. وندا قاتىسۋشىلاردىڭ ءارقايسىسى ساپار تۋرالى ءوز اسەرلەرىمەن بولىسەدى، – دەپ تۇيىندەدى ەرلان قۇسايىنوۆ.
پىكىر قالدىرۋ