ساياساتتانۋشى جانە ماڭعىستاۋ وبلىسى اكىمىنىڭ شتاتتان تىس كەڭەسشىسى ەربول ەدىلوۆ ءوزىنىڭ Telegram كانالىندا مەملەكەت باسشىسى قاسىم-جومارت توقايەۆتىڭ ۇلى تيمۋر توقايەۆتىڭ فوتوسىن جاريالادى دەپ جازادى Qamshy.kz اقپارات اگەنتتىگى.
سونداي-اق ەدىلوۆ پرەزيدەنتىڭ جالعىز ۇلىنىڭ ءومىربايانىنان قىزىقتى دەرەك كەلتىردى. 2009 جىلى تيمۋر توقايەۆ «قازاقستان رەسپۋبليكاسىنىڭ باتىسقا قاتىستى ستراتەگياسى» تاقىرىبىندا ديسسەرتاسيا قورعاپ، ساياسي عىلىمدار كانديداتى دارەجەسىن الدى.
اشىق دەرەككوزدەرگە سۇيەنسەك، تيمۋر توقايەۆ 1984 جىلى دۇنيەگە كەلگەن جانە جەكە كاسىپپەن اينالىسادى.
ەسكە سالساق، بۇعان دەيىن قاسىم-جومارت توقايەۆتىڭ اجىراسقانى بەلگىلى بولدى. بۇل فاكت مەملەكەت باسشىسىنىڭ ءومىربايانىندا، اقوردانىڭ رەسمي سايتىندا كورسەتىلگەن.
پىكىر قالدىرۋ