اكسياعا وڭىردەگى ءماسليحات دەپۋتاتتارى، ونەر قايراتكەرلەرى، بلوگەرلەر، قوعام قايراتكەرلەرى، سپورتسمەندەر مەن ب ا ق وكىلدەرى، ستۋدەنتتەر مەن قالا تۇرعىندارى قاتىستى.
اتالمىش رەسپۋبليكالىق اكسيا ق ر ەكولوگيا، گەولوگيا جانە تابيعي رەسۋرستار مينيسترلىگىنىڭ قولداۋىمەن ۇيىمداستىرىلدى. باستى ماقسات – ەلىمىزدى كوگالداندىرۋ جۇمىستارىن جۇرگىزۋ. شقو-داعى تابيعي رەسۋرستار جانە تابيعاتتى پايدالانۋ باسقارماسىنىڭ باسشىسى مۇرات قۇساينوۆتىڭ ايتۋىنشا، بۇگىن ايماقتا 6 مىڭ ءتۇپ كوشەت وتىرعىزىلدى.
– ءبىز ورمان شارۋاشىلىعىنان 13 ءتۇرلى اعاشتى اكەلدىك. وسكەمەندەگى ەسەنبەرلين داڭعىلىندا 1100 ءتۇپ، ونىڭ ىشىندە قايىڭ مەن قىلقان جاپىراقتى اعاشتار بار. جالپى، كوشەتتەردى ەگۋ جۇمىستارى كوكتەمدە باستالدى. سول كەزدە 132،8 مىڭ ءتۇپ وتىرعىزىلدى. تاياۋدا وبلىستاعى بارلىق مەكتەپتە ەكولوگيالىق ساعاتتار وتكىزىلدى. وعان قاتىسۋشىلار 4 مىڭ ءتۇپ اعاش كوشەتىن ەكتى. اعىمداعى جىل سوڭىنا دەيىن 150 مىڭ ءتۇپ اعاش كوشەتتەرىن وتىرعىزۋدى جوسپارلاپ وتىرمىز.
ايتا كەتەيىك، وبلىس كولەمىندە سەنبىلىكتەر ۇيىمداستىرىلدى. كوشەلەردە سانيتارلىق تازالىق جۇمىستارى جۇرگىزىلدى.
– وسى اعاشتار وسكەن كەزدە قالامىز بۇرىنعىدان دا كوركەيە تۇسەدى. ءبىز ءوزىمىز تۇرىپ جاتقان جەردىڭ ەكولوگياسىن ساقتاۋىمىز كەرەك. ويتكەنى بۇل بىزدەن باسقا ەشكىمگە كەرەك ەمەس، – دەدى "ەكوسەرۆيس-س" ءجشس-نىڭ ديرەكتورى ەرىك ساندىبايەۆ.
پىكىر قالدىرۋ