گرۋزيادا وتكەن ارداگەرلەر اراسىنداعى گرەك-ريم كۇرەسىنەن الەم چەمپيوناتىندا 58 جاستاعى قازاقستان بالۋانى قاسەنحان سەرعازييەۆ التىننان القا تاقتى دەپ حابارلايدى Qamshy.kz اقپارات اگەنتتىگى Sputnik قازاقستان.  سايتىنا سىلتەمە جاساپ.

62 كيلوگرامم سالماق دارەجەسىندە بەلدەسكەن جەرلەسىمىز جارتىلاي فينالدا يراندىق بالۋانعا قارسى شىقتى. وسى جەكپە-جەكتە ول قارسىلاسىن 2:0 ەسەبىمەن جەڭدى.

ال كەلەسى اينالىمدا تۇرىك بالۋانىمەن كۇرەستى. باس كەزىندە ەكەۋى تەڭ جاعدايدا بەلدەستى. الايدا ءارى قاراي قاسەنحان سەرعازييەۆ ءوز باسىمدىعىن ەكى ەسەگە ارتتىرا ءبىلدى. قورىتىندى ەسەپ – 4:8.

فينالدا تاعى تۇرىك بالۋانىمەن كەزدەسكەن بولاتىن. قارسىلاس بىردەن ەكى ۇپايدى الىپ كەتتى. دەگەنمەن، تاجىريبەلى سپورتشىمىز  ءوز ءادىسىن شەبەر ورىنداپ، ءتورت ۇپايمەن العا شىقتى. ودان كەيىن ءوز باسىمدىعىن 8 ۇپايعا جەتكىزدى. سوڭىندا تۇرىك بالۋانى ەكى ۇپاي السا دا، سەرعازييەۆكە جەتە المادى.

ايتا كەتەيىك، قازاقستان قۇراماسى گرەك-ريم كۇرەسىنەن الەم چەمپيوناتىنىڭ التىن مەدالىن سوڭعى رەت سوناۋ 1999 جىلى العان بولاتىن. ول كەزدە محيتار مانۋكيان گرەكيانىڭ افينا قالاسىندا وتكەن جارىستا التىن مەدال ۇتىپ، ەكى دۇركىن الەم چەمپيونى اتاندى.