قازاقستان پرەزيدەنتى قاسىم-جومارت توقايەۆتىڭ كۋرستاسى، رەسەيلىك ديپلومات سەرگەي گارمونين Mمحقي تۇلەكتەرى ءبىر-بىرىن ەشقاشان ۇمىتپايتىنىن جانە الەمنىڭ كەز كەلگەن ەلىندە كەزدەسەتىنىن ايتتى دەپ جازادى Qamshy.kz اقپارات اگەنتتىگى.
رەسەيدىڭ شۆەيسارياداعى توتەنشە جانە وكىلەتتى ەلشىسى سەرگەي گارمونين Sputnik قازاقستانعا بەرگەن سۇحباتىندا ماسكەۋ مەملەكەتتىك حالىقارالىق قاتىناستار ينستيتۋتىندا (Mمحقي) قازاقستاننىڭ بولاشاق باسشىسىمەن بىرگە وتكىزگەن جىلدارىن ەسكە ءتۇسىردى.
"بەس جىل بويى ءبىز Mمحقي -دە ءبىر كۋرستا وقىدىق. جومارت، ءبىز ونى سولاي اتايتىنبىز، ول جەتىنشى اكادەميالىق توپتا وقىدى – ولاردا جۇڭگو، كورەي جانە ۆەتنام ءتىلى بولدى، ال مەن سەگىزىنشى توپتا بولدىم – ءبىز بيرما، جاپون جانە ۋردۋ ءتىلىن وقىدىق. ءبىز "شىعىستىقپىز"، - دەدى سەرگەي گارمونين Sputnik تىلشىسىنە.
ونىڭ ايتۋىنشا، جۇڭگو ءتىلىن ۇيرەنۋ ءۇشىن ىقىلاس پەن قابىلەت جەتكىلىكسىز، مۋزىكالىق ەستۋ قابىلەتى دە قاجەت.
"جۇڭگو ءتىلى – ەڭ قيىن تىلدەردىڭ ءبىرى. كوپتەگەن يەروگليفتى جاتتاپ الۋ ءوز الدىنا، بۇل ۇندەستىك ءتىل بولعاندىقتان قانداي دا ءبىر ءسوز دىبىستالۋىنا بايلانىستى ماعىناسىن وزگەرتەدى. قاسىم-جومارتتىڭ ەستە ساقتاۋ قابىلەتى عانا ەمەس، سونىمەن قاتار مۋزىكالىق ەستۋ قابىلەتى دە جاقسى بولسا كەرەك"، - دەدى سەرگەي گارمونين.
رەسەيلىك ديپلومات توقايەۆپەن بىرگە ينستيتۋتتا وقىپ قانا قويماي، سونىمەن بىرگە ءبىر جاتاقحانادا تۇردى. ەكەۋى دە باسقا قالادان كەلگەن.
ديپلوماتتىڭ ايتۋىنشا، بۇل جاتاقحانا ءالى دە سول جەردە تۇر. ول جاتاقحاناداعى ءومىردىڭ سانادا كومەسكىلەنە تۇسكەنىن ايتادى، ءبىراق ورتاق اس ۇيدە ۆەتنامدىق ستۋدەنتتەر پىسىرگەن قۋىرىلعان مايشاباقتىڭ حوش ءيىسىن ۇمىتۋ مۇمكىن ەمەس.
"ءبىز قاراپايىم ءومىر سۇردىك، كەرەمەت ەشتەڭە بولعان جوق. بارلىق ستۋدەنت پەن جاتاقحانا بىردەي دەپ ويلايمىن"، - دەپ جىميدى گارمونين.
ول دەمالۋعا كوپ ۋاقىت بولماعانىن ايتادى – ستۋدەنتتەر كوپ ۋاقىتىن وقۋ زالىندا، لينگافون كابينەتتەرىندە وتكىزەتىن. جالپى پاندەردەن بولەك، كوپ ۋاقىتتى تىلدەرگە ارناۋعا تۋرا كەلگەن.
گارمونين ءوزىن قاسىم-جومارت توقايەۆتىڭ جاقىن دوسىمىن دەي المايدى، ءبىراق جاقسى تانىس. ايتۋىنشا، ەگەر ولار قۇرىلىس جاساقتارىنا بىرگە بارعاندا، دوس بولىپ كەتۋشى ەدى. سەرگەي گارمونين ساحاليندە ەكى رەت بولدى، كۋرستاستارىنىڭ كەيبىرى ياكۋتسكتە، شيكوتاندا جۇمىس ىستەدى. ءبىراق قۇرىلىس جاساقتارىنىڭ اراسىندا توقايەۆتىڭ بولعانى ەسىندە جوق.
"قاسىم-جومارت ۇيىنە اسىققان بولسا كەرەك – ويتكەنى ول ۇزاق ۋاقىت بويى وتباسى مەن دوستارىنان جىراقتا بولدى، ول قازاقستانعا بارۋ ءۇشىن كەز كەلگەن مۇمكىندىكتى جىبەرمەۋگە تىرىستى"، - دەيدى سەرگەي گارمونين.
گارمونين مەن توقايەۆ Mءمحقي-دى 1975 جىلى ءبىتىردى، ءبىراق ولاردىڭ جولدارى ۇنەمى ءتۇيىسىپ وتىردى – ەكەۋى دە كارەراسىن ديپلوماتيالىق قىزمەتتە باستادى. سەرگەي گارمونين مەن قاسىم-جومارت توقايەۆ كسرو سىرتقى ىستەر مينيسترلىگى ارقىلى ءىسساپارعا جىبەرىلدى.
"ۇمىتپاسام، قاسىم-جومارت الدىمەن سينگاپۋرعا، سودان كەيىن قىتايعا جىبەرىلدى. ايتپاقشى، ول قىتايدا ۋنيۆەرسيتەتتە تىلدىك تاعىلىمدامادان ءوتتى. ال بىزدە ءتىلدى وتە جاقسى بىلەتىندەرگە عانا تىلدىك تاعىلىمداماعا جولداما بەرەتىن"، - دەپ اتاپ ءوتتى ديپلومات.
كۋرستاستار كەڭەس وداعى ىدىراعاننان كەيىن بىرنەشە رەت كەزدەستى، بۇل توقايەۆ قازاقستانعا ورالىپ، مەملەكەتتىك قىزمەتكە اۋىسقان كەز.
"كەيىنىرەك توقايەۆ ەكەۋمىز ءارتۇرلى ەلدەردە كەزدەستىك. مەن رەسەيدىڭ نيۋ-يوركتەگى باس كونسۋلى بولىپ جۇمىس ىستەگەن كەزىمدە قاسىم-جومارت پارلامەنتتىڭ جوعارعى پالاتاسىنىڭ باسشىسى بولدى، ءبىز وتكىزگەن Mمحقي تۇلەكتەرىنىڭ جەكە كەزدەسۋىنە كەلدى"، - دەپ ەسكە الدى سەرگەي گارمونين.
ول كەزدەسۋدىڭ باس كونسۋلدىقتا بولعانىن ءتۇسىندىردى – سول كەزدە نيۋ-يوركتە بولعان نەمەسە سول جەردە جۇمىس ىستەيتىندەردىڭ ءبارى شاقىرىلدى. ءدال سول ساتتە توقايەۆ بۇۇ باس اسسامبلەياسىنىڭ سەسسياسىنا نيۋ-يورككە ۇشىپ كەلىپ، شاقىرۋدى قۋانا قابىلداعان.
پىكىر قالدىرۋ