ۇستىمىزدەگى جىلعى 24 قازاندا ەلورداداعى "قازمەديا" ورتالىعىندا شايسۇلتان شاياحمەتوۆ اتىنداعى "ءتىل-قازىنا" ۇلتتىق عىلىمي-پراكتيكالىق ورتالىعىنىڭ ۇيىمداستىرۋىمەن "جاھاندانۋ جانە ۇلتتانۋ ۇدەرىسىندەگى قازاق ءتىلىنىڭ ومىرشەڭدىگى" اتتى فورۋم وتەدى.
وندا العاش رەت زاڭ، بيزنەس، ءبىلىم، عىلىم، ب ا ق ت.ب. سالانىڭ جانە "جاس وتان" جاستار قاناتى وكىلدەرىنىڭ قاتىسۋىمەن لاتىنگرافيكالى جاڭا ءالىپبي نەگىزىندە قازاق ءتىلىن جاڭعىرتۋدىڭ وزەكتى ماسەلەلەرى تالقىلانادى.
شارانىڭ ماقساتى – جاڭا ءالىپبي نەگىزىندە جاڭعىرعان قازاق ءتىلىنىڭ قازىرگى زامان سۇرانىسىنا ساي ومىرشەڭدىگىن ارتتىرۋ جولدارىن انىقتاۋ.
ايتالىق، قازاقستان رەسپۋبليكاسىنداعى كەز كەلگەن زاڭ ءماتىنىن الدىمەن مەملەكەتتىك تىلدە ازىرلەۋدى ۇيىمداستىرۋ، وتاندىق بيزنەستى قازاقشالاندىرۋ، ءبىلىم بەرۋ جۇيەسىن لاتىن الىپبيىنە كوشىرۋ، عىلىمداعى قازاق ءتىلىنىڭ قولدانىسىن كەڭەيتۋ، ساپاسىن ارتتىرۋ، باق-تاعى ءقازاقتىلدى كونتەنت ساپاسىن ارتتىرۋ، جاستار اراسىندا قازاق ءتىلىن برەندكە اينالدىرۋ ماسەلەلەرى قوزعالادى.
فورۋم بارىسىندا جاڭا ءالىپبي مەن قازاق ءتىلىن وڭاي ءارى ءتيىمدى جولمەن ۇيرەتەتىن زاماناۋي ينتەراكتيۆتى قۇرالداردىڭ كورمەسى وتەدى. مۇندا "ءتىل-قازىنا" ورتالىعى ازىرلەگەن جاڭا ءىت-جوبالار تانىستىرىلىپ، كوپشىلىكتىڭ قولدانىلۋىنا ۇسىنىلادى. 6 سەكسيا بويىنشا جۇمىس جاسايتىن عىلىمي كونفەرەنسيا وتكىزىلەدى.
نۇر-سۇلتان، الماتى، شىمكەنت قالالارى مەن 14 وڭىردەگى تىلدىك احۋالدى جاقسارتۋ بويىنشا ۇيلەسىمدى جۇمىستى جوسپارلاۋعا ارنالعان وڭىرلىك ءتىل باسقارمالارىنىڭ باسقوسۋى ۇيىمداستىرىلادى.
فورۋمدا جاڭا ءالىپبي ەملەسىنە قاتىستى جۇرت كوكەيىندە جۇرگەن ساۋالدارعا ناقتى جاۋاپ بەرىلەدى دەپ كۇتىلۋدە. سونداي-اق مەملەكەتتىك ءتىلدىڭ زاڭناماسىن جەتىلدىرۋ، بيزنەس، عىلىم، ءبىلىم، باق-تاعى قازاق ءتىلىنىڭ قولدانىسىن كەڭەيتۋگە، مادەنيەتىن ارتتىرۋعا قاتىستى ناقتى ۇسىنىستار كورسەتىلگەن قارار قابىلدانىپ، جاۋاپتى قۇزىرلى ورگاندارعا جىبەرىلەدى. قارار «ءتىل-قازىنا» ورتالىعىنىڭ رەسمي سايتىندا، باق-تا جاريالانادى.
پىكىر قالدىرۋ