قازاقتىڭ باعىنا بىتكەن ديماش قۇدايبەرگەن 10 جەلتوقسان كۇنى اقش-تا جەكە Arnau tour ENVOY كونسەرتىن بەرەدى، اتالمىش كونسەرتتە ءانشى قازاق، ورىس، اعىلشىن جانە جۇڭگو تىلدەرىندە ءان سالادى.
"مەن Arnau tour ENVOY شوۋى ارقىلى ەلىمىزدىڭ مادەنيەتىن بۇكىل الەمگە كورسەتە الاتىنىم ءۇشىن باقىتتىمىن. نيۋ-يوركتەگى كونسەرتتىڭ كورەرمەندەرى زاماناۋي ناقىشتاعى ناعىز قازاق ونەرىمەن تانىسا الادى. قازىرگى ۋاقىتتا مەن جانە ءبىزدىڭ كوماندا وسىمەن جۇمىس ىستەپ جاتىرمىز. وسى جوباعا قاتىسىپ جاتقان ءاربىر ادامنىڭ ءوز ءىسىنىڭ كاسىبي مامانى ەكەنىن ايتقىم كەلەدى"، – دەدى د.قۇدايبەرگەن.
جاھاندىق Arnau tour ENVOY كونسەپسياسىنا ديماش قۇدايبەرگەن 2019 جىلى نۇر-سۇلتاندا ونەر كورسەتكەن ARNAU باعدارلاماسىنىڭ ەڭ ۇزدىك ساتتەرىن قوسادى. كونسەرتتىك شوۋدىڭ نەگىزگى ءموتيۆى – الەم شەكسىزدىگى.
اقش-تاعى قازاقستاننىڭ مادەني كۇندەرى اياسىندا مادەنيەت جانە سپورت مينيسترلىگىنىڭ قولداۋىمەن 19 مىڭ ادام سىياتىن Barclays Center ارەناسىندا ديماشتىڭ شوۋى وتەدى.
كونسەرتكە ديماشتىڭ كومانداسىنان بولەك نيۋ-يورككە "استانا بالەت" تەاترىنىڭ ۇجىمى دا بارادى. ەستەرىڭىزگە سالساق، 29 قاراشا كۇنى ءانشى سانكت-پەتەربۋرگتە كونسەرت بەرەدى دەپ جوسپارلانعان.
پىكىر قالدىرۋ