تيبور كولەيا، Microsoft قازاقستان باس مەنەدجەرى 2019 جىلى 24-25 قازاندا نۇر-سۇلتاندا وتەتىن Digital Bridge حالىقارالىق تەحنولوگيالىق فورۋمىندا ەكسپەرت رەتىندە قاتىسادى. Microsoft وكىلى "ورتالىق ازياداعى كورپوراتيۆتىك يننوۆاسيالار" پانەلدىك پىكىرتالاسقا قاتىسادى جانە ءىرى كورپوراسيالاردىڭ جۇمىسىنا يننوۆاسيالاردى ەنگىزۋ تاجىريبەسى، سونداي-اق ستارتاپ جوبالار تۋرالى ايتىپ بەرەدى. فورۋم ۇيىمداستىرۋشىلارى حابارلاعانداي، اتالعان پىكىرتالاسقا "احقو اكىمشىلىگى" اق سيفرلىق تەحنولوگيالار جونىندەگى باسقارۋشى ديرەكتورى اسەل جانتاسوۆا جانە Plug and Play Tech Center ۆيسە-پرەزيدەنتى سوبحان كحاني قاتىسادى.

فورۋمعا قاتىسىپ، تالقىلاۋلارعا قوسىلۋعا، ساراپشىلارعا ءوز سۇراقتارىن قويام دەۋشىلەرگە فورۋم سايتىندا تەگىن تىركەلۋگە بولادى:  http://digitalbridge.kz    

Digital Bridge فورۋمىنىڭ نەگىزگى ماقساتى – ساندىق دامۋ سالاسىنداعى يننوۆاسيالىق شەشىمدەر مەن تاجىريبە الماسۋ ءۇشىن ديالوگ الاڭىن ۇيىمداستىرۋ. فورۋم الاڭىنداعى باستى ءىس-شارا Next Tech Entrepreneur Forum سەكسياسى بولادى، ونىڭ شەڭبەرىندە فورۋمعا قاتىسۋشىلار ءۇشىن ءتۇرلى تاقىرىپتاردا اشىق تالقىلاۋلار ۇيىمداستىرىلادى: بولاشاقتىڭ ءبىلىمى، ۆەنچۋرلىك قارجىلاندىرۋ، بيزنەس-ينكۋباسيالاۋ جانە ت.ب. قاتىسۋشىلار اراسىندا B2B كەزدەسۋلەر ۇيىمداستىرىلادى.

فورۋم كۇندەرى ءداستۇرلى تۇردە جىل سايىنعى Astana Hub Awards سىيلىعى وتەدى، ول قازاقستاننىڭ ءىت-يندۋسترياسىن دامىتۋعا قوسقان ۇلەسى ءۇشىن بەرىلەدى، سونداي-اق Astana Hub Battle-تەحنولوگيالىق ستارتاپتار اراسىنداعى جارىستار.

Astana Hub Battle جارىسىنىڭ باستى ماقساتى – ۇزدىك تەحنولوگيالىق ستارتاپ-جوبالاردى انىقتاۋ جانە ولاردى جوبالاردى دامىتۋ ءۇشىن اقشالاي سىيلىقتارمەن ماراپاتتاۋ. Astana Hub Battle جۇلدە قورى – 30،000 دوللار، ءبىرىنشى ورىن – 15،000، ەكىنشى ورىن – 10،000، ءۇشىنشى ورىن – 5،000 دوللار. 

Astana Hub Awards سىيلىعىن ماراپاتتاۋ ءراسىمى 2019 جىلى 25 قازاندا قازاقستان استاناسىندا وتەدى. سىيلىقتىڭ باستى ماقساتى – ستارتاپتاردىڭ تابىستى كاسىپكەرلىك باستامالارىن ىنتالاندىرۋ، يننوۆاسيالاردى دامىتۋعا جانە قولداۋ ينفراقۇرىلىمىن نىعايتۋعا جاردەمدەسۋ، سونداي-اق قازاقستاندا IT-كاسىپكەرلىكتى دامىتۋعا قولداۋ كورسەتۋ.