ق ر ۇقك شەكارا قىزمەتىندە 2019 جىلعى 10 قازاندا جۇڭگو ازاماتتارى مۇراگەر ءالىم ۇلى مەن قاستەر مۇساقانعا قاتىستى ق ر قىلمىستىق كودەكستىڭ 1-بولىگى 392-بابىمەن قاراستىرىلعان «قازاقستان رەسپۋبليكاسىنىڭ مەملەكەتتىك شەكاراسىن قاساقانا زاڭسىز ءوتۋ» بويىنشا سوتقا دەيىنگى تەكسەرۋ باستالدى.
ولار 14 قازاندا الماتى قالاسىنداعى شەكارا قىزمەتىنىڭ «شىعىس» وڭىرلىك باسقارماسىنا شەكارادان ءوتۋ جاعدايىن انىقتاۋ ءۇشىن شاقىرتىلعان بولاتىن. پروسەستىك تارتىپپەن ۇستالمادى، قاماۋ شارالارى قولدانىلعان جوق. م. ءالىم ۇلى مەن ق. مۇساقان «شىعىس» ءوب عيماراتىندا ءوز ەرىكتەرىمەن قالدى جانە ولارعا تاماق، جاتاتىن ورىن بەرىلدى.
1 قازاندا قحر-دان قر-عا شەكارادان زاڭسىز وتكەندەرى تۋرالى ەكەۋى دە الدىن الا حابارلادى.
وسىعان بايلانىستى، شەكارادان ءوتۋ جاعدايىن انىقتاۋ، سونداي-اق بولجامدى قۇقىق بۇزعان جەردە پروسەستىك جانە باسقا دا تەكسەرۋ ىس-ارەكەتتەرىن وتكىزۋ ءۇشىن ولار 15 قازاندا شىعىس-قازاقستان وبلىسى زايسان قالاسىنا جەتكىز3ءلدى.
سونىمەن قاتار، ق. مۇساقان 2006 جىلعى 21 ماۋسىمدا مال ۇرلىعى ءۇشىن قىلمىستىق جاۋاپكەرشىلىكتەن جالتارۋ ماقساتىندا قازاقستان-قىتاي شەكاراسىن بۇزعانى بەلگىلى بولدى. ول كەزدە تەكسەرۋ جۇمىستارىنان كەيىن قحر-عا قايتارىلعان بولاتىن.
ۇقك شەكارا قىزمەتى قحر ازاماتتارى م. ءالىم ۇلى مەن ق. مۇساقانعا قاتىستى سوتقا دەيىنگى تەكسەرۋ، ولاردىڭ قۇقىقتارىنىڭ تولىق ساقتالۋىمەن، سونداي-اق حالىقارالىق مىندەتتەمەلەرگە جانە قازاقستان رەسپۋبليكاسىنىڭ قولدانىستاعى زاڭنامالارىنا سايكەس جۇرگىزىلىپ جاتقانىن حابارلايدى.
ق ر ۇقك شق باسپا ءسوز قىزمەتى
پىكىر قالدىرۋ