ۇقك وزگە مەملەكەتتىك ورگاندارمەن جانە شەتەل سەرىكتەستەرىمەن بىرلەسىپ "جۋسان" وپەراسياسى شەڭبەرىندە سيريادان 595 قازاقستاندىقتى ەلگە قايتاردى، – دەپ Qamshy.kz اقپارات اگەنتتىگى حابارلايدى، ۇلتتىق قاۋىپسىزدىك كوميتەتىنىڭ باسپا ءسوز قىزمەتىنە سىلتەمە جاساپ.
دەرەكتەرگە سۇيەنسەك، 400-دەن استامى بالالار. ەلگە قايتارىلعان ادامدارداردىڭ ىشىندە 10 ەر ادام مەن 5 ايەل قازاقستاندا تىيىم سالىنعان دايش حالىقارالىق تەرروريستىك ۇيىمىنىڭ ارەكەتىنە قاتىسۋ دەرەگى بويىنشا ءارتۇرلى مەرزىمدەرگە باس بوستاندىعىنان ايىرىلعان.
"تەرگەۋ نۇسقاسى بويىنشا سيريادا ءدايش-تىڭ ءبىر جاساعىندا بولعان تاعى 14 ازاماتقا قاتىستى قىلمىستىق ءىستى تەرگەۋ اياقتالدى. ولارعا تەرروريستىك ارەكەتكە قاتىستى "ارەكەتكە تارتتى جانە تەرروريزمدى ناسيحاتتادى، سونداي-اق وزگە دە اۋىر قىلمىستار جاسادى" دەگەن ايىپ تاعىلدى"، – دەيدى ق ر ۇقك رەسمي وكىلى اركەن ابدۋعالي.
كوميتەت مالىمدەۋىنشە، قىلمىستىق ءىس ماتەريالدارى نۇر-سۇلتان قالاسىنىڭ مامانداندىرىلعان اۋدانارالىق قىلمىستىق ىستەر بويىنشا سوتىنا بەرىلگەن.
پىكىر قالدىرۋ