Web

فرانسيادا "11 قىركۇيەك" لاڭكەستىك ارەكەتىنە ۇقساس وقيعانىڭ جولى كەسىلدى

مەلىس سەيداحمەتوۆ 08:27، 18 قازان 2019
/image/2019/10/18/crop-294_1_900x1600_world-trade-center-1000.jpg
 
فرانسيانىڭ قۇقىق قورعاۋ ورگاندارى 2001 جىلى 11 قىركۇيەك كۇنى نيۋ-يوركتە ورىن العان لاڭكەستىك ارەكەتكە ۇقساس قىلمىس جاساماق بولعان ادامدى ۇستادى. بۇل تۋرالى France 2 تەلەارناسىنا ەلدىڭ ىشكى ىستەر ءمينيسترى كريستوف كاستانەر مالىمدەگەن، دەپ جازادى informburo.kz.
 
جاسالماق بولعان ءىرى لاڭكەستىك ارەكەتتىڭ جولى قىركۇيەك ايىندا كەسىلگەن. كۇدىكتى ۇشاقتى ايداپ كەتۋدى جوسپارلاپتى. ارنايى قىزمەت وكىلدەرى ونى بىرنەشە اي بويى باقىلاعان. ول الەۋمەتتىك جەلى كومەگىمەن وزىنە سىبايلاس ىزدەگەن.
 
30 جاستاعى كۇدىكتى و-دە-سەن قالاسىندا تۇرعان فرانسيا ازاماتتى.
 
كريستوف كاستانەردىڭ ايتۋىنشا، بۇل – 2013 جىلدان بەرى جولى كەسىلگەن 60-ىنشى لاڭكەستىك ارەكەت.
 
ال 2011 جىلعى 11 قىركۇيەكتەگى لاڭكەستىك وقيعاعا بايلانىستى سوت ءالى جالعاسۋدا. كەزەكتى سوت پروسەسى 2021 جىلى گۋانتانامو اسكەري بازاسىندا وتەدى. كۇدىكتى بەس ادامعا ءولىم جازاسى سۇرالماق. ۇيىمداستىرۋشى رەتىندە كۇدىككە ىلىنگەن حاليد شەيح مۇحاممەد پەن ونىڭ 4 سىبايلاسى 2002، 2003 جىلدارى پاكىستاندا ۇستالعان بولاتىن. بۇگىنگە دەيىن ولار ورتالىق بارلاۋ باسقارماسىنىڭ قۇپيا تۇرمەلەرىندە وتىر. 
 

قاتىستى ماقالالار

blog image

ترامپ اقش-قا 12 ەلدەن كەلەتىندەرگە شەكتەۋ قويدى

13:42، 05 ماۋسىم 2025
blog image

130-دان استام سانكسيا: ەۋرووداقتىڭ رەسەيگە قارسى شارالارى ءتورت باعىتتا جۇرگىزىلۋدە

11:24، 21 مامىر 2025
blog image

شارم-ەل-شەيح اۋەجايىنداعى قايعىلى وقيعا: زارداپ شەككەندەردىڭ جاعدايى تۋرالى نە بەلگىلى؟

11:16، 19 مامىر 2025
Web