قاسىم-جومارت توقايەۆ 2019 جىلدىڭ 9 قازانىندا "قازاقستان رەسپۋبليكاسى پرەزيدەنتىنىڭ كەيبىر اكتىلەرىنە وزگەرىستەر مەن تولىقتىرۋلار ەنگىزۋ تۋرالى" جارلىققا قول قويدى. اتالمىش جارلىق تۋرالى پرەزيدەنتتىڭ باسپا ءسوز حاتشىسى بەرىك ءۋالي فەيزبۋكتەگى پاراقشاسىندا تۇسىندىرمە بەردى، – دەپ حابارلايدى Qamshy.kz اقپارات اگەنتتىگى
"وسى قۇجات ب ا ق بەتتەرىندە ءتۇرلى پايىمدار مەن پىكىرلەر تۋعىزدى. مەنىڭ ويىمشا، بۇل پرەزيدەنتتىڭ «كەزەكتى» جارلىعى. بۇل قۇجاتقا 2018 جىلعى شىلدەدە قابىلدانعان قاۋىپسىزدىك كەڭەسى تۋرالى جاڭا زاڭنىڭ ەرەجەلەرىنە سايكەس قول قويىلدى. اتالعان القالى ورگاننىڭ وكىلەتتىلىگىن كۇشەيتۋ زاڭعا سايكەس قاراستىرىلادى. ال ونى قازاقستاننىڭ تۇڭعىش پرەزيدەنتى – ەلباسى ن.نازاربايەۆ ءومىر بويى باسقارادى"، – دەپ جازدى.
مەملەكەتتىڭ لاۋازىمدى تۇلعالارىن تاعايىنداۋ تۋرالى كەلىسىم تارتىبىنە كەلسەك، ءىس جۇزىندە پرەزيدەنتتىڭ بارلىق كادرلىق ماسەلەلەر بويىنشا ءوز بەتىنشە شەشىم قابىلداۋىنا كەدەرگى كەلتىرمەيدى. بۇعان دالەل، ەلباسىنىڭ ءوزى "حابار" تەلەارناسىنا بەرگەن سۇحباتىندا: "توقايەۆ مەنىمەن اقىلداسادى. ءبىراق ءوزى شەشىم قابىلدايدى" دەگەن بولاتىن.
ەلباسى كونستيتۋسيا بويىنشا ەلىمىزدىڭ جوعارعى باس قولباسشىسى جانە ول ۇكىمەتتى جاساقتايدى. ال مەملەكەت باسشىسى – وبلىستاردىڭ جانە رەسپۋبليكالىق ماڭىزى بار قالالاردىڭ اكىمدەرىن جەرگىلىكتى ءماسليحاتتاردىڭ كەلىسىمدەرىمەن تاعايىندايتىن جوعارى لاۋازىمدى تۇلعا. ناقتىراق ايتقاندا، پرەزيدەنتتىڭ قۇزىرەتى قازاقستان رەسپۋبليكاسى كونستيتۋسياسىنىڭ 40-48 باپتارىندا انىق كورسەتىلگەن.
پىكىر قالدىرۋ