كەزدەسۋ بارىسىندا قازاقستاننىڭ تۇڭعىش پرەزيدەنتى سيندزو ابەگە يمپەراتور نارۋحيتونىڭ تاققا وتىرۋ راسىمىنە قاتىسۋعا شاقىرعانى ءۇشىن العىس ايتتى دەپ حابارلايدى Qamshy.kz اقپارات اگەنتتىگى elbasy.kz سايتىنا سىلتەمە جاساپ.
كەلىسسوزدەر بارىسىندا تاراپتار ەكىجاقتى ىنتىماقتاستىق جانە ساۋدا-ەكونوميكالىق قاتىناستاردى دامىتۋ ماسەلەلەرىن تالقىلادى. سيندزو ابە قازاقستاننىڭ انتيادرولىق باستامالارىنا جانە جاپپاي قىرىپ-جويۋ قارۋىنىڭ تاراتىلۋىنا قارسى قابىلداعان شارالارىنا قولداۋ ءبىلدىردى.
سونىمەن قاتار، قازاقستاننىڭ تۇڭعىش پرەزيدەنتى مەن جاپونيانىڭ پرەمەر-مينيسترى كورەي تۇبەگىندەگى جاعداي تۋرالى پىكىر الماستى. ايماقتاعى جانە الەمدەگى باسقا دا قاقتىعىستاردى بەيبىت جولمەن شەشۋدىڭ ماڭىزدىلىعىن اتاپ ءوتتى.
پىكىر قالدىرۋ