اتىراۋدا سۋعا باتىپ بارا جاتقان بويجەتكەندى قۇتقارماق بولىپ، ءوز ءومىرىن قاتەرگە تىگىپ، ەرلىكپەن قازا تاپقان پوليسەي شالقار اقىمعالييەۆدىڭ سۇيىكتىسى العاش رەت تىكەلەي ەفيگە شىعىپ، جۋرناليستەرگە سۇحبات بەردى دەپ حابارلايدى Qamshy.kz اقپارات  "نيەت" باعدارلاماسىنا سىلتەمە جاساپ.

شالقاردىڭ سۇيىكتىسى تىكەلەي ەفيردە وتكەن باعدارلاما كەزىندە بايلانىسقا شىعىپ، جۇرگىزۋشىنىڭ ساۋالدارىنا جاۋاپ بەردى. اقبوتا سۇيىكتىسىمەن وتاۋ قۇرامىز دەپ جوسپارلاپ جۇرگەنىن، ارماندارىنا جەتە الماي قالعانىن - اللانىڭ قالاۋى دەپ ايتتى. 

"شالقار - وتە مەيىرىمدى، كەڭپەيىل، جۇرەگى مەيىرىمگە تولى، ءجىلىجۇزدى، وتە اقكوڭىل بولاتىن. دوستارىنىڭ الدىندا بەدەلدى بولدى. ارىپتەستەرىن دە وتە جاقسى كورەتىن. جۇمىسىنا ادال ادام ەدى. ءۇيىنىڭ تۇڭعىشى، تىرەگى بولاتىن. شالقار ەكەۋمىز قازان ايىندا اپكەسىنىڭ جىلىن وتكىزگەننەن كەيىن، وتباسىن قۇرامىز دەپ ويلادىق. سونداي جوسپارىمىز بولدى. الايدا، ول تەك ءبىزدىڭ عانا قالاۋىمىز ەمەس. ول ءبىر اللانىڭ قالاۋى. ءبىز ويلاعانداي بولمادى. اللا قالاي قالادى، سولاي بولدى. تانىستىعىمىزعا وسى قازاننىڭ 17ء-سى ءۇش جىل بولدى. قىز بەن جىگىت رەتىندە جەتى ايداي جۇردىك. ناقتى ۇيلەنەتىنىمىز كوكتەمدە، ناقتىراق ايتسام ناۋرىزدىڭ باسىندا شەشىلدى" ، - دەدى اقبوتا.

قايتىس بولارىنان ءبىر ساعات بۇرىن عانا سويلەسكەن اقبوتا بۇعان دەيىن شالقاردى اتا-اناسىمەن تانىستىرىپ، ال شالقار قالىڭدىعى تۋرالى ءوز وتباسىنا ايتقان ەكەن.

شالقاردىڭ قازاسىن جاقىن قۇربىسى جەتكىزگەن ەكەن. اقبوتا: "سول ۋاقىتتان باستاپ، مەنىڭ ءومىرىم تۇسكە اينالعانداي بولدى. ول نارسەگە مەن ەشقاشان سەنگەن ەمەسپىن. مۇمكىن ۋاقىت تا كەرەك شىعار ول ءۇشىن. ءالى كۇنگە دەيىن مەن ول ادامدى جۇرەگىمنەن جىبەرە الماي ءجۇرمىن. سول كۇنى كوپىرگە باردىم. ول كەزدە شالقاردىڭ دەنەسىن تاپپاعان. مەن سوڭىنا دەيىن، شالقار ماعان ءوزى قوڭىراۋ شالادى دەپ كۇتتىم. ءبىراق، ونداي ەشتەڭە بولمادى. شالقاردىڭ ەندى جوق ەكەنىن سەزگەندە ءومىرىمنىڭ ەش ءمانى بولعان جوق" ، - دەيدى.

ەسكە سالساق، 21-ناۋرىز كۇنى اتىراۋدا كوپىردەن جايىققا سەكىرگەن بويجەتكەندى قۇتقارماق بولعان پوليسەي شالقار اقىمعالييەۆ ەرلىكپەن قازا تاپقان بولاتىن.